.jpg)
بوگون «چهارشنبه» پروان ولایتیده اوتکزیلگن خبری بیر ییغینده نطق سوزلهگن پروان حاکمی فضلالدین عیار، میدیالرنی حضوریده، مذکور ولایتده بولگن ایریم دولتی ادارهلرنینگ ایشلریدن جدی شکلده تنقید قیلگن. جناب عیارنینگ ایتیشیچه، قولگه کیریتگن حجتی اساسیده، پولیس رسمیلری قانوننی انیقلش اورنی گه قانوننی اوز نفعلریگه تطبیق ایتیب و دولتی امکانیتلردن سوء استعمال قیلیب و اوغیرچیلیککه قول اورهدیلر.
پروان حاکمی گه کوره، بونگه علاوه، پولیس رسمیلری حقیقتنی یاشیرهدیلر. اونینگ ایتیشیچه، بو کیشیلرنینگ برچهسی قانون اساسیده تیرگاوگه آلینیشی کیرهک.
شونینگدیک جناب عیار ایکینچیلیک، چارواچیلیک و سوولنتریش و قوم و قبایل ریاستی مسئولریدن جدی تنقید قیلیب و اوشبو ادارهلرنی فلج و فساد گه باتگن دیدی.
.jpg)
بیراق پروان ایکینچیلیک ریاستی سرپرستی محمدعارف عقیل و قوم و قبایل ریاستی باشلیغی سیفالله حسنزی مذکور ادارهلر اوستیگه بولگن عیبلاولرنی جناب والینینگ اوشبو ریاستلر فعالیتلریدن خبرسیزلیگی دیب ایتیشیچه، جناب عیار خبرسیزلیککه قرار تاپگن.
گرچند بوندن آلدین پروان یشاوچیلری و مدنی فعاللری قطار حکومتی ادارهلرنینگ کمایشلیگیدن تنقید قیلگن ایدیلر؛ بیراق بو بیرینچی مرته کیم مذکور ولایت حاکمی قطار ادارهلرنینگ ایشلریدن تنقید قیلگن.
