تینچاویلر زوروانلیکلرگه قربان بولگن عیاللردن حمایت قیلیش مقصد ده ایجاد ایتیلگن و زوروانلیکلرگه قربان بولگن عیاللر اوچون مصئون جای دیر.
کرونا ویروسی افغانستان یشاوچیلرینی تهدید قیلیب کیلگن بیر چاغده، عیاللر وزیرلیگی اوشبو ویروس نینگ تینچاویلرده سرایت قیلمهیشی اوچون تیارگرلیک آلینگنیدن خبر بیرهدی.
عیاللر وزیرلیگی سوزلاوچیسی رویا دادرس نینگ سلاموطندارگه ایتیشیچه، کرونا ویروسی نینگ تینچاویلرده یول تاپیشی ناممکن دیر.
عیاللر وزیرلیگی سوزلاوچیسیگه کوره، تینچاویلرده حیات کیچیرهدیگن عیاللر نینگ تشقریگه هیچکیم بیلن رابطهسی یوق و انه شو سبب، اولرنی کرونا تهدید قیلمهیدی.
عینحالده، انسان حقوقی ایرکین کمیسیونی نینگ عامهوی رابطهلر بولیمی باشلیغی ذبیحالله فرهنگ نینگ ایتیشیچه، اوشبو کمیسیون نینگ تدقیقاتیگه کوره، تینچاویلرده حیات کیچیرهدیگن عیاللرنی کرونا ویروسی تهدید قیلمهیدی.
کرونا ویروسی مملکت 33 ولایتیگه ییتیشگن و اوشبو ویروس کوپراغی ییغینلرنی هدف قرار بیرهدی و انهشو سبب، افغانستان حکومتی دولتی ادارهلر، مکتبلر، بیلیم یورتلر، مسجدلر و مدرسهلرنی تعطیل قیلگن و سونگی کونلرده نمایندهلر کینگشی هم تعطیل بولگن.
ساغلیقنی سقلش وزیرلیگی تامانیدن بیریلگن ارقاملرگه کوره، حاضرده افغانستان 33 ولایتیده 2171 کیشی کرونا ویروسیگه چلینگن و اولردن 64 تهسی وفات قیلیب و باشقه 260 تهسی درمانلنگن.
