بوگون «دوشنبه» کابلده دین عالملریدن کمیده 2000 تهسی بیر ییغین یولگه قوییب و مملکتده یوز بیرهدیگن پارتلشلر و خودکش هجوملرنی اسلام دینی ارزشلریگه قرشی و ناتوغری دیگنلر.
اسلامی معلومات مرکزی اورین باسری مولوی غفرانالله مرادنینگ ایتیشیچه، مملکتدهگی جاری اوروش اسلام دینی گه قرشی و ناتوغری دیر. چونکه مسلمانلرنی اولدیریش اسلام دینی نقطهای نظریدن حرام دیر و بیر مسلماننی اولدیریش اوچون هیچ کیم گه رخصت بیریلمهگن.
جناب مراد، افغانستاندهگی اوروش تامانلریدن اوروشدن قول تارتیب و تینچلیک لایحهسیگه قوشیلیشلرینی سورهدی.
اوشبو دین عالمی گه کوره، حکومت گه قرشی گروهلر پارتلش و خودکش هجوملر جایی گه افغانستان حکومتی تامانیدن تکلیف ایتیلگن تینچلیک ایستهگیدن حمایت قیلیش لازم.
خودکش و پارتلش هجوملر اسلام دینی گه قرشی و ناتوغریلیگی توغریسیده، دین عالملری تامانیدن یولگه قوییلگن ییغین چاغیده، دین عالملری ییغیلگن جای بویوکلر جرگهسی خیمهسینینگ یقینیده بیر خودکش هجوم یوز بیردی و نتیجهده 14 کیشی هلاک و باشقه 17 کیشی یرهلنگن.
