تخار محلی مسؤوللرینینگ ایتیشیچه، نمایندهلر کینگشیده اوشبو ولایتنینگ نمایندهسی عبدالباقی ملکزاده، کمیده 9 مینگ کیملیک فورمینی اوغیرلگن.
تخار ولایت کینگشی کاتبی محمدافضل افضلینینگ ایتیشیچه، 15- جوزا ده باشکینتدن تخارگه 10 مینگ کیملیک فورمی یوباریلگن، بیراق بو جملهدن یالغیز بیر مینگ تالقان گه ییتیشگن و قالگنی عبدالباقی ملکزاده نینگ منطقهسیگه انتقال بیریلگن.
سلاموطندارگه ییتیشگن مکتوب گه کوره، نمایندهلر کینگشیده تخار ولایتینینگ نمایندهسی عبدالباقی ملکزاده نینگ قولیدن 10 مینگ کیملیک فورمی تخار ولایتی گه یوباریلگن. بو مکتوب نی اداغیده جمعیتنی رویخطگه آلیش مرکزی ادارهسی باشلیغی همایون محتاط نینگ امضاءسی کورینهدی و بو کیملیکلر فرخار، بنگی، اشکمش و تالقان گه انتقال بیریلیشی بیلدیریلگن.
شونینگدیک، تخار ولایتیده کیملیک فورملرینی ترقهتیش مسؤولی حمیدالله، یوزلرچه کیملیک فورمی اولرگه خبر بیریلمسدن تخارنینگ باشقه منطقه سیگه انتقال بیریلگنینی تصدیقلیدی.
عین حالده، تخار ولایتیده بشری منبع باشلیغی قهار حاتمینینگ ایتیشیچه، اوغیرلنگن فورملرنی تسلیم آلمهسی توغریسیده برچه ادارهلرگه بویروغ بیریلگن.
بیراق، عبدالباقی ملکزاده نینگ سلاموطندارگه ایتیشیچه، کیملیک فورملرینی اوغیرلش موضوعی جوده «کته و اونملی» دیر و بو قضیه اونینگ قولی بولمهگن.
کیملیگی بولمهگن کیشیلر سیلاولرده اشتراک قیله آلمهسی و شونینگدیک، برقی کیملیکلر ترقهتیلیش جریانی ایریم دلیللر بیلن توختهتیلگنی باعث، جمعیتنی رویخطگه اداره یشاوچیلرگه قانونی شکلده سیلاولرده اشتراک قیلیشلری اوچون قاغذی کیملیک ترقهتیشگه قرار قیلدی.
