دایکندی ولایتیده فواید عامه ریاستی مسؤوللرینینگ ایتیشیچه، سونگی قار یاغینگرچیلیکلری و قتیق بورانلر باعث، بوگون ایرتهلبدن بویان سنگتخت تومنینینگ بندرگه و خدیر و گیتی تومنلرینی دایکندی مرکزی نیلی گه باغلهیدیگن جادهلر و دایکندی-کابل عمومی قتناو یولی ترافیک یوزی گه باغلنگن.
سلاموطندارگه صحبت بیرگن دایکندی ولایتینینگ فواید عامه ریاستینی باشلیغی خداداد سیرت نینگ ایتیشیچه، مذکور ولایت تومنلریدن کوپینچهسینینگ جادهلری تار بولگنی باعث، قار تازهلاوچی موترلر منطقه گه بارهآلمهگن و اولر ایسه قارلرنی تازهلش اوچون انسانلردن فایدهلنگن. شو یوزهدن ترافیک یوزیگه جادهلرنی آچیش نیچه کون وقت آلهدی.
اونینگ کوپهیتیریشیچه، خرسندچیلیک بیلن ایتگنده، حاضرگچه کیمسه قربان بولمهگن.
دایکندی ولایتیده فواید ریاستی باشلیغی گه کوره، قوناق کوتلیده قمهلیب قالگن یولاوچیلر قوتقریلگن و بو قتناو یول قیتهدن آچیلیشی اوچون سعی و حرکت بولماقده.
عین حالده، قوناق کوتلی بورانی و قارده قمهلیب قالگن یولاوچیلر و هیداوچیلرنینگ ایتیشیچه، اولردن بیرقطاری، اوتگن کیچهدن و باشقه بیرقطاری، بوگون ایرتهلب ساعت 6 دن قوناق کوتلیده قمهلیب قالگنلر و قار و بوران باعث، یوللرینی تاپیب آلهآلمهیدیلر.
اولرگه کوره، محلی حکومت قوناق کوتلی قیته آچیلیشی و یولاوچیلر قوتقریلیشی اوچون حاضرگچه هیچ بیر ایش قیلمهگن.
قوناق کوتلیدهگی قار و بوران ده قمهلیب قالگن یولاوچیلر و هیداوچیلردن ایکی کیشی شیرمحمد و داکتر خیرخواه نینگ سلاموطندارگه ایتیشیچه، اوشبو کوتلده 10-12 یولاوچیسی بولگن 5 موتر قمهلیب قالگن.
مملکتنینگ مرکزی ولایتی سنهلگن تاغلی دایکندی آز رواجلنگن ولایت سنلهدی و قیش موسومیده قار یاغینگرچیلیگی کوپهیگی باعث، مذکور ولایتنینگ کوپینچه قتناو یوللری باغلهنیب و ایریم پیتلر یولاوچیلردن قربانلیک آلهدی.
