افغانستان عایلهلری اینیقسه ولایتلر و قیشلاقلرده میراث بولیش جنجللی موضوعلردن بیری بولیب و ایریم پیتلر دوشمنلیک، زوروانلیک، علاقهلر کیسیلیشی و قان توکیلیشی گه سبب بولهدی.
عایلهلردن بیرقطاری، عیاللرنی میراث ایگهسی بیلمهیدیلر و قصدی شکلده اولرنی حقلریدن محروم قیلیب یا-ده مراث حقلرینی بخشش قیلیش گه محبورلهیدی.
اسلام دینی اساسیده، میراث بیر کیشی نینگ شرعی حقوقی بولیب، ایرکک و عیال گه تیگیشلی بولهدی.
قندوز یشاوچیلریدن بیری شهلانینگ ایتیشیچه، آتهسی اولگنیدن سونگ، ایناغهلریدن میراث حقی ایستهگن و حاضر ایسه سینگیللیک و ایناغهلیک علاقهسی اوتمیشلردیک ایمس دیر و شونینگدیک، نیچه مرته عایلهسی تامانیدن اهانت قیلینگن.
مذکور عیال نینگ کوپهیتیریشیچه، میراث حقی نی آلیش اوچون کوپراق زورلهگن صورتده، ایناغهلری او بیلن بولگن علاقهسینی کیسهدی. اونینگ ایتیشیچه، میراث حقی اوچون عایلهوی علاقهسی برهم اوریلیشینی هیچ قچان ایستمهیدی.
میراث بولیشده یوز بیرهدیگن زوروانلیک دلیللریدن بیرقطاری، اسلام قانونلریدن اهالیسی اینیقسه عیاللرنینگ خبرسیزلیگی دیر.
قندوز یشاوچیلریدن باشقه بیری زیبانینگ ایتیشیچه، او، عایلهسی نینگ یالغیز قیزی دیر و آتهسی ایسه اوز وصعیتنامهسیده اونینگ اوچون هیچ بیر حق قایل بولمهگن، بیراق ایناغهلری عیاللرگه نسبتن حق و حقوقدن خبردار بولگنلری سبب، اونینگ حقینی نظرگه آلیشگن.
بیلیم یورت استادی ارشاد ارشانینگ ایشانچی گه کوره، اهالی نینگ کوپینچهسی دین و قاعدهلریدن خبردار دیر و میراث دن عیاللرنینگ سهمی نی هم بیلیشهدی، بیراق بیرقطار عایلهلر دین و قاعدهلریدن خبرسیز بولگنلری باعث، عیاللرگه حق قایل بولمهیدی. او، عیاللرگه میراث حقلرینی آلیش گه توصیه قیلهدی.
انسان حق و حقوقلری بوییچه ایش بیلرمانلرنینگ ایتیشیچه، سوادسیزلیک، کمبغللیک و اقتصادی وضعیت یامانلیگی، دین حکملریدن اهالی نبنگ خبرسیزلیگی و ناتوغری رسم و رواجلر باع، قیزلر و عیاللر میراث حقیدن محروم قالیشهدی.
اولرنینگ ایتیشیچه، عیاللر قورقینچ، زوروانلیک یا-ده تهدید باعث، میراث حقلریدن اوتهدی و عین دمده، اسلام دینی و قاعدهلری اساسیده، اولرگه بیریلگن حق اوچون میراث حقلرینی آلیشلری کیرهک.
قندوز: روشنی رادیوسی نینگ گزارشی
