تخار ولایتی نینگ نمکآب تومنیدن بدرغه بولگن قطار عایلهلر تالقان مرکزی نینگ 15 کیلومترلیگیده جایلشگن تکهتیمس منطقهسیده خیمه قورگنلر. حاضرگه قدر مذکور بدرغهلرنینگ رقمی بیر مینگ عایله گه ییتیشهدی و کون اوتیشی بیلن اولرنینگ رقمی کوپهیماقده.
بدرغهلرنینگ ایتیشیچه، اولردن کوپینچهسی آچیق فضاده و باشپناه سیز حیات کیچیرهدیلر و هوا ایسیقلیگی عیاللر و بالهلرنی تورلی کسللیکلرگه دوچ قیلگن.
اولرگه کوره، امکانیت یوقلیگی و یول اوزاقلیگی مذکور منطقهدهگی موجود قیینچلیکلردن دیر و حاضرگه قدر ییترلیچه ساغلیک تیم محلده بارمهگن.
آوارهلرنینگ کوپهیتیریشیچه، کیچه تاماندن قیینچلیکلری کوپ بولهدی و شونینگدیک حکومت و عامهساغلیک ریاستی نینگ کسللرنی ساغلیک مرکزلریگه انتقال بیریش اوچون هیچ قندی نقلیه واسطهسی یوق دیر.
بیراق تخار عامهساغلیک ریاستی باشلیغی ولی راسخ نینگ سلاموطندارگه ایتیشیچه، کسللرنی دارولش اوچون بیر ساغلیک تیم عامهساغلیک ریاستی و باشقه بیر تیم قیزیل آی تامانیدن تکهتیمس منطقهسیده جایلشگن مهاجرلر کمپی گه مؤظف بولگن.
جناب راسخ گه کوره، بدرغهلر کمپی گه ییترلیچه دارو یوباریلگن و قتناو یول امبولانسی کمپلرده دارولنمهیدیگن کسللرنی کسلخانه گه انتقال بیریش اوچون کیچه-کوندوز تیار دیر.
عین حالده، شونینگدیک تخار معارف ریاستی نمکآب تومنیدن بدرغه بولگن اوقووچیلر تعلیماتدن آرتده قالمهسی اوچون خیمهلر آستیده سیار صنفلر ایجاد قیلگن.
شو توغریده:
