بامیانلیک یاش – ییگیت ینگی بیر تشبث نتیجهسیده رادیو تولقینلریدن برق ایشلب چیقاریش بیر دستگاه توزهتگن. او، اوشبو کیچیک دستگاه بیلن 3.5 ولت برق ایشلب چیقاریشی ممکن دیگن.
بامیانلیک تشبثکار بو یاش نینگ اسمی حسین. او، مکتب نینگ اون ایکّینچی صنف اوقوچیسی. حسین بیش ییلدن بیری بعضی بیر اختراعلرگه قول اورگن. هنوزگچه اوچوچیسی باشقریله دیگن طیاره، موشک و اسکواتور توزهتیشگه موفق بولگن.
12 کیلو متر هواگه کوتاریله دیگن اونینگ توزهتگن طیارهسی باشقریلیش قابیلتیگه هم ایگه.
حسیندادگه کوره، کیچیک بو دستگاهنی ایشلب چیقاریش اوچون بیر یریم هفته وقت صرفلهگن. بامیانلیک یاش مخترع، بوندن کته راق دستگاه قوریش نیتده بولگن، اما بو دستگاهنی توزهتیش اوچون کیرهک بوله دیگن اوسکونه بامیان حتی افغانستانده بولمهگنی سبب بعضی بیر چیکلاولرگه قالگن لیگنی ایتگن.
حسین کونی کیلیب برق یاروقلیگینی بوتون افغانستانلیکلر خانهدانیگه ییتکزیش اوچون سعی وحرکت آلیب باریشنی اظهار قیلگن.
انرژی منبعلری اوستیده تیکشیروولر آلیب بارگن حسینداد نینگ سوزلریگه کوره: « کوپ منبعلر اینیقسه بامیان ییرلریده ایسیقلیک منبعی جوده کوپ و عصرلر بویی بو منبعلردن فایده لهنیلمهگن» اوشبو انرژی منبعلردن فایده له نیلگن حالده، بوتون بامیانگه برق بیریش ممکن.
ینگی لایحهلری توغریسیده گپیرگن حسینداد، مملکت برق سیزلیگیگه پایان بیریش اوچون سعی وحرکت قیلیشنی تیلگه آلگن. افغانستان برق معماسیدن قوتیلیش اوچون ایریم یوللرنی قیدریشگه ضرورت بارلیگی اوستیده تاکید قیلگن حسینداد.
بامیانلیک بو مخترع افغانستان حکومتدن یاشلرگه دییرلی شرایط یرهتیب بیریشنی طلب قیلگن.
