.JPG)
بامیان یشاوچیلریدن مینگلرچهسی، بوگون (جمعه) خیابانلرده چیقیب و بیر ناراضیلیک نمایشده توتاپ ریجهسی برق یولی اوزگریشی خصوصیده آلینگن قرارنی سیاسی دیب و حکومتدن بامیان- میدانوردک یولیدن برق چیزیغی اوتکزیلیشی توغریسیده، خلق ارادهسیگه حرمت قایل بولیشینی سورهگن.
اعتراضچیلر، «حکومت حکومت، عدالت عدالت، توتاپ یولی اوزگریشی آچیق تبعیض و تینگ رواجلنتیریش حقیمیزدیب» شعار بیریب، حکومتدن توتاپ ریجهسی ایچکی و چیت ایللک متخصصلرنینگ نظری اساسیده، بامیان و میدانوردک ولایتلریدن اوتکزیلیشینی سورهگنلر.
اعتراضچیلردن بیری عارفه اکبرینینگ، 500 کیلو ولت برق یولی اوزگریشی اوچون کابینهنینگ سونگی قراری توغریسیده سلاموطندارگه ایتیشیچه، حکومت قیصرلیک قیلیب، اوشبو ریجه یولینی اوزگرتیرگن و بونی هم بیلردی کیم، اوشبو برق سالنگدن اوتکزیلگن تقدیرده، مذکور منطقهلرنینگ خلقی خطرگه دوچ کیلیشی ممکن و ینه هم قراری اوستیگه توختهگن. خانم اکبرینینگ ایتیشیچه، ملی بیرلیک حکومتی، مملکت مرکزی منطقهلرینینگ خلقینی محروم سقلش اوچون سعی و حرکت قیلهدی و توتاپ یولی اوزگریشی خصوصیده، کابینه وزیرلرینینگ هیچ بیر دلیلی یوق دیر.
.JPG)
توتاپ توغریسیده ناراضیلیک بیلدیرگنلردن باشقه بیری صادق علییارنینگ ایتیشیچه، مرکزی منطقهلر حاضرگچه هیچ بیر ملی ریجهدن فایدهلنمهگن و شونینگدیک، اوشبو ملی ریجهنینگ یولی اوزگریشی مرکزی منطقهلرنینگ خلقیگه اهانت دیر.
اعتراضچیلرنینگ آگاهلنتیریشیچه، حکومت آلگن قراریگه قیته تیکلمهگن صورتده، مرکزی منطقهلرنینگ خلقی، برچه دولتی ادارهلردن نمایندهلرینی چیقاریب و دولتی ادارهلرنینگ ایشیگینی یاپهدیلر.
ملی بیرلیک حکومتی، اوشبو ناراضیلیکلرگه قرهمهی، کابینه قراری عملگه آشیریلیشی خصوصیده، تأکیدلهیدی. نیچه کوندن آلدین، برشنا شرکتی رسمیلرینینگ بیر خبری ییغینده ایتیشیچه، 500 کیلو ولت برق سالنگ یولیدن اوتکزیلیشی خصوصیده، حکومتنینگ قراری قطعی بولگن؛ بیراق مملکت مرکزی منطقهلری، بیرینچی ولایتلر بولیب، توتاپ ریجهسی برقیگه ایگه بولهدی.
