بوگون «سهشنبه» کابلده آنلاین شکلده پاسپورت ترقهتیش تیزیم آچیلدی.
پاسپورت ادارهسی نینگ عمومی باشلیغی سیدعمر صبورنینگ ایتیشیچه، کابل یشاوچیلری آنلاین تیزیمی بیلن تانیشگونگه قدر سابق شکلده پاسپورت ترقهتیلیشی دوام ایتهدی.
صبور گه کوره، آنلاین تیزیم آچیلیشی، ناقانونی و اوغیرلنگن پاسپورتلردن سوءاستعمال قیلینمسلیگی گه سبب بولهدی.
اونینگ ایتیشیچه، شونینگدیک کیلهجکده حافظهلی پاسپورتلر باسیلیشی ممکن.
اوشبو ییغینده مخابرات و معلومات وزیری شهزادگل آریوبی نینگ ایتیشیچه، مذکور تیزیم آچیلیشی بیلن فساد قویی کیلیشی یانیده شونینگدیک کابل یشاوچیلریگه قولهیلیک یرهتیلهدی.
اونگه کوره، پاسپورت نینگ آنلاین تیزیمی مراجعت قیلهدیگنلرده کونده 10000 پاسپورت ترقته آلهدی و شونینگدیک اوشبو تیزیم آچیلیشی بیلن پاسپورت ترقهتیش باسقیچلری 16 باسقیچ دن 4 باسقیچ گه قویی کیلهدی.
آریوبی نینگ کوپهیتیریشیچه، اوشبو سیستم باشقه ولایتلر، قونسلگرلیکلر و ایلچیخانهلرگه یولگه قوییلیشی خصوصیده سعی و حرکتلرنی دوامی بار.
شو توغریده:
- کابل پاسپورت ریاستینینگ ایشیدن اهالی نیمه اوچون راضیلر؟
میدان وردک ولایتیده پاسپورت ترقهتیش توختهتیلدی
هرات پاسپورت مدیریتیده نیمه اوتماقده؟
مخابرات و معلومات وزیری نینگ ایتیشیچه، شونینگدیک آنلاین شکلده پاسپورت ترقهتیش خوفسیزلیک نقطهی نظردن یخشی دیر و قاره رویخط گه بولگن کیشیلر مذکور سیستم آرقلی تانیلیشی ممکن.
آریوبی گه کوره، هیداوچیلیک جوازی و موترلر جوازی نینگ الکترونیکی قیلیش اوچون حرکتلرنی دوامی بار و باشقه بیر یریم آی گه قدر سیناو جریانی باشلنهدی.
پاسپورت ریاستی مسئوللری نینگ معلوماتی اساسیده، مملکتده حاضرگه قدر 3.5 میلیون الکترونیکی پاسپورت ترقهتیلگن و اوشبو یولدن 23 میلیارد افغانی دولت خزینهسیگه قوشیلگن.
