پروان یشاوچیلریدن قطاری نینگ ایتیشلریچه، مذکور ولایت نینگ شینواری تومنیده امنیتی کوچلر و طالبان گروهی آرهسیده یوزبیرگن آتیشمه باعث بیر کیشی هلاک و باشقه 3 کیشی یرهلنگنیدن کیین، مذکور تومن یشاوچیلری بو حادثه گه عکسالعمل بیلدیریب پروان – بامیان قتناو یولی نی کیلیب-کیتیش یوزیگه باغلهگنلر.
پروان پولیس قومندانی محمدهارون مبارز بو خبرنی تصدیقلب سلاموطندارگه ایتیشیچه، اوشبو ولایت ملی خوفسیزلیک کوچلری غوربند درهسیدن چاریکار شهری تامان کیلهدیگن بیرچاغده شینواری تومنی نینگ «اُشتر شهر» منطقهسیده طالبلرنینگ پسترمهسیگه روپهرو بولگن.
اونگه کوره، طالبلرنینگ ملی خوفسیزلیک کوچلری گه قرشی اوق آتیشی باعث، بیر تینچاهالی هلاک و باشقه 3 تینچاهالی یرهلنگن.
پروان پولیس قومندانی امنیتی کوچلر و طالبان گروهی نینگ تلفاتی توغریسیده هیچ بیر نرسه دیمهی بیراق کوپهیتیریشیچه، «طالبان منطقه یشاوچیلری اوستیگه حاکم بولگنی باعث» اولرنینگ ناراضلیک نمایش یولگه قوییش و قتناو یول نی باغلهش گه زورلهگن.
عین حالده، شینواری تومنی نینگ اشترشهر منطقه یشاوچیلری نینگ ادعا قیلیشیچه، امنیتی کوچلر و طالبان گروهی نینگ اوق آتیشی عاقبتیده 2 تینچاهالی هلاک و باشقه 2 کیشی یرهلنگن.
طالبان حاضرگچه بو توغریده فکر بیلدیرمهگن.
