بادغیس محلی مسئوللری نینگ ایتیشلریچه، طالبان بیر عیال نی بادغیس-هرات قتناو یولیده اوققه توتیب اولدیرگن.
بادغیس پولیس قومندانی محفوط ولیزاده نینگ سلاموطندارگه ایتیشیچه، اوشبو عیال اوتگن کون (چهارشنبه ۱۹- سنبله) بادغیس-هرات قتناو یولیده طالبان آرقهلی اوققه توتیب اولدیریلگن.
اونگه کوره، بو حادثه «لامان» منطقهسیده یوزبیرگن. اونینگ کوپهیتیریشیچه، مذکور منطقه طالبان گروهی نینگ نظارتی گه دیر و قتل سببی حاضرگچه بیللی بولمهگن.
بادغیس پولیس قومندانی نینگ بیاناتی گه کوره، بو عیال ینگیلیکده محکمه نینگ غیابی قرار اساسیده، مخدره ماده گه چلینگن تورموش اورتاغیدن اَیریلگن ایکن.
بادغیس پولیس قومندانی نینگ معلومات اساسیده، مذکور عیال مخدره ماده گه چلینگن اِیریدن اَجرهلگنیدن کیین بیر پولیس بیلن اویلنگن ایکن.
بو عیال نینگ ینگی تورموش اورتاغی حسین، خاتینی طالبان گروهی آرقهلی اولدیریلگنی نی ادعا قیلگن.
حسین نینگ ایتیشیچه، خاتینی بیلن تلیفونی علاقه قورگن و او «حسین جان مینینگ کیچیرگین! بو حیاتیم نینگ سونگ لحظهلری دیر و مینینگ اولدیرهدیلر» دیگن.
حسین گه کوره، تلفونی علاقه کیسیلگنیدن کیین طالبان گروه اونینگ اوققه توتیب اولدیرگن. اونینگ اقاربلریگه کوره، بو عیال دن ایکی کیچیک یاشلی باله قالگن.
طالبان حاضرگچه بو حقده فکر بیلدیرمهگن.
