30 یاشیده بولگن زمری، آلتی آی آلدین قطار بنگیلر بیلن کیچهنی هرات شهرینینگ خرقۀ مبارک زیارتیده ایرته قیلگن. بیراق، اوشه ایرته باشقه کونلرگه قرشی، اهالی عوضیده امنیتی کوچلرنینگ سایهسی او و همقطارلرینی یوزیگه توشگن. امنیتی کوچلر، او و همقطارلرینی «مخدره مادهنی ترک قیلدیریش مقصدیده» قولگه آلیب و اوزلری بیلن آلیب کیتگن. اولرنینگ ایسیده باشقه هیچ نرسه یوق دیر، یالغیز یولاوچی تاشیووچی بیر موتر و نیچه ناتانیش قوراللی کیشی همراهلیگی بیلن شیندند تومنینینگ دهامان منطقهسیگه انتقال بیریلگن و دولت گه قرشی قومندانلردن ملاننگیالینینگ قرارگاهیده جایلشتیریلگن.
زمرنینگ ایتیشیچه، مخدره ماده نی ترک قیلیش اوچون 2 آینی باشقه بنگیلر بیلن بیرگه قماقده اوتکزگن و هر کون ملاننگیالینینگ عسکرلری اولرنینگ یوزلریگه سوو توکهدی ایکن. بنگیلرنینگ حرکتی، روحی و وجودلریده مخدره مادهنی قیلیش نشانهلری کورینگنیدن سونگ، اولرگه قورال بیریب و طالبلرنینگ قومندانلریدن بولگن ملاصمدنینگ برابریده اوروش گه تیار قیلگن.
زمری، اوروش وضعیتیدن عجایت حکایه قیلیب ایتیشیچه، دولت گه طرفدار کوچلر بنگیلرنی ایلگری تشلب و اوزلری آرقهلریدن کیلهدی ایکن. کیمسه نینگ آرقه گه قرهش جرأتی یوق بولگن و قرهگن صورتده، آرقهسیدن اوز آدملری آتهدی.
زمرنینگ ادعا قیلیشیچه، بنگیلردن بیرقطاری، ملاصمدنینگ جنگریلری بیلن بولگن اوروشده هلاک ایتیلگن؛ او و اورتاغی قرارگاه نی قوریش چاغیده، قاچیش گه قرار قیلگن. بنگیلردن باشقه بیری حفیظ نینگ آرقهسیدن 4 آی آلدین، محلی مسؤوللر کیلگن و اونی شیندند تومنینینگ تانیقلی قومندانلریدن امانالله نینگ اوغلینی قرارگاهی گه انتقال بیریلگن. شونینگ اونینگ ایتیشیچه، مذکور قرارگاه ده 25 کیشی بنگیوار ماده نی ترک قیلیش گه مجبورلنگن.
مخدره ماده گه قرشی اوچ آی کورهشدن سونگ، دولت گه قرشی قوراللی عصیانچیلر برابریده تیارگرلیک آلیشلری کیرهک.
25 یاشیده بولگن عبدالله و باشقه 15 بنگی ایشگه استخدام ایتیلیش بهانهسی بیلن شیندند تومنیده آلیب باریلگن. اونینگ همراهلریدن 6 تهسی طالبان گروهیگه قرشی اورشلرگه هلاک ایتیلگن و باشقه 9 تهسی قاچیشگه موفق بولگن.
عبداللهنینگ ایتیشیچه، ایکی کیشی او و دوست لرینینگ یانیده کیلیب میر داوود جاده سیده بیر موترنینگ یقیلگنینی ایتکن و اولر دن موتر یوکینی قیته دن بارلگن حالده 500 افغانی بیریشینی بیلدیرگن. بیراق اولر میرداوود، ادرسکن و خواجه اوریا پوستهسیدن اوتهدی. بنگیلردن بیری اعتراض قیلیب موتر دن توشیشنی ایستهیدی. قورالی کیشیلر اونی توشیریب اوشهییرده اوق آستیگه قرار بیرهدی.
بنگیلردن قطارینینگ ادعا قیلیشیچه، ایشگه استخدام ایتیلیش بهانهسی گه شیندند تومنیده آلیب باریلیب، طالب لرگه قرشی اورشیشگه مجبورلنگنلر. فیروز و وحیداحمدنینگ ایتیشیچه، ایکی موترایداوچی ساختمانی ایشگه استخدام قیلیش بهانهسی بیلن اولرنی باشقه اون بنگی بیلن بیرلککه ایکی موترگه میندیریب شیندند اورشیگه آلیب بارگنلر. اوشبو ایکی بنگی یول مسیریده اولیمگه تهدید ایتیلگنلر.
هرات شهریدن سرپرستی بولمهگن بنگیلرنی توپلهش اوچون بیر یریم ییل آلدین دولتی ادارهلردن تشکیل تاپگن بیر کمیسیون قورلدی. اوشبو کمیسیون باشلیغی سیدمحمد ساداتنینگ ایتیشیچه، بو مدت ده 1120 بنگی شهر ایریم بولیملریدن توپلنگن. جناب سادات، بنگیلرنی دولتدن حمایت قیلهدیگن و یا-ده دولت گه قرشی گروه لر گه تسلیم بیریلیش ادعاسی نی رد قیلهدی؛ بیراق قطار معتادلردن ناتوغری قولهنیلیش نی رد قیلمهیدی.
هرات حاکمینینگ سوزلاوچیسی جیلانی فرهادنینگ اوشبو خبرنی رد قیلیب ایتیشیچه، بنگیلرنی دولت گه قرشی گروه لرگه تسلیم بیریلیشی خصوصیده هیچقندی حجت بولمی و هیچقندی شکایت ثبت ایتیلمهگن.
هرات پولیس قومندانلیگینینگ سوزلاوچیسی عبدلاحد ولیزادهنینگ تاکید قیلیشیچه، حاضرگهقدر بنگی لردن عسکر آلینیش خصوصیده هیچقندی گزارش اولرگه کیلمهگن.
بیراق هرات ولایت کینگشی اعضاسی سکینه حسینی، معتادلر ادعاسی نی خواطرلنتروچی بیلیب و پناه سیز قالگن یاشلردن قورالی اورشلرگه قولهنیلیش نی کته جفا دیدی.
هرات ولایتینینگ انسان حقی کمیسیونینینگ ایتیشیچه، زور بیلن عسکر آلینیشی خصوصیده بولگن ادعالرنی تیکشیریلیشی لازم.
هرات ولایتینینگ بنگی وار ماده لرگه قرشی کورهش ریاستی تامانیدن ترقهلگن گزارش گه کوره، مذکور ولایت ده کمیده 70 مینگ بنگی بار؛ بیراق شو پیتلردن معتادلردن ناتوغری قولهنیلیش ادعاسی اورتهگه چیقهدی.
