قدیم – قدیم زمانلردن بیری « قان – قان بیلن یوویلمس» دیگن مقال ایریم حاللرده بیز یشب تورگن جمعیت نینگ بوگونکی قیلمیشلریگه راپه راسه توغری کیلهدی. حاضر هم مملکت نینگ اوازق بیر قیشلاق حدودیده بیرار خانهدان باشقه بیر عیالهنینگ اعضاسینی اولدیرگن حالده، منطقه قوم یاش اولوغلری و آقسقاللری نینگ واسطهچیلیگی بیلن محل قیزلریدن بیری اولدیریلگن کیشی نینگ عایلهسیگه توی قیلیب بیریلیشی بیلن نزا اوز پایانیگه ییتهدی. قیز هم بو دشمنلیک پایان تاپیشی اوچون تَن آلسه یا – ده آلمسه بوتون حیاتینی منه شو مساله حسابیده اوتکزیشگه مجبور.
اما، غزنی ولایتیدن بعضی خوش خبرلر هم ییتیب کیلگن. ولایت نینگ محلی بلند مرتبهلی رسمیلری، سونگی ییللرده غزنیده بو عرف وعادت اورتهدن کوتاریلیب بونینگ عوضیگه اولدیریلگن خانهدانگه قان پولی بیریلهدی دیدیلر.
غزنی ولایتی نینگ ولایتی کینگش اعضالری، ولایت دین عالملری همده قوم بویوکلری ایستهگی اساسیده کوپینچه قتل دوسیهلری اولدیریلگن کیشی نینگ خانهدانیگه پول تولش بیلن حل ایتیلتیشینی ایتگنلر.
ولایت کینگشی نینگ اعضالریدن بیری فاطمه رحیمی، شهرلر و خوفسیز منطقهلرده ایسکی عرف وعادت بوتونلی یوقالگن هیچ کیم ایندی قیزینی حیاتی بیلن بیر عمر اوینشگه حاضر ایمس دیدی.
اونینگ سوزلریگه کوره، کوپینچه تحصیل قیلگن یاشلر بو نا توغری عرف و عادت جمعیتدن یوق ایتلیشی اوچون سعی و حرکت آلیب باره دیلر.
ولایت کینگشی نینگ باشقه بیر اعضاسی عبدالباری شلگری، غزنیده قیزنی ایسکی عرف و عادتلر اساسیده تورموشگه چیقاریش بوتونلی ایلدیزدن یوق ایتیلگن لیگینی تیلگه آلگن. او، بو ایش نینگ اساسی عاملی جمعیتده خلق نینگ آلدین لشگن لیگیدن کیلیب چیقهدی دیگن.
یازووچی و جمعیت فعالی اسدالله جلالزی نینگ سلاموطندارگه ایتیشیچه، سابقلر اهالی خانهدانلری اورتهسیدهگی قرمه قرشلیکلرنی حل قیلیش اوچون قیزلرینی قربان قیلردیلر و بو عرف و عادت هیچ قندهی مشکلنی حل قیلمسدی بلکه قیینچلیکلرنی آشیریب تورموشگه بیریلگن قیزنی حتی اوز حیاتیگه نقطه قوییشی گه مجور قیلردی.
