افغانستان بویلب اوشبو ییل جریانیده 9 آیلیک دن 10 یاشرگچه بولگن 13.8 میلیون باله واکسین بولیشی خصوصیده قرار قیلینگن.
بوگون «شنبه» کابلده قیزهماقنی آلدی آلینیش کمپاین باشلهنیش مراسمیده ساغلیقنی سقلش وزیری فیروزالدین فیروزنینگ ایتیشیچه، اوشبو کمپاین 8.7 میلیون امریکا دالری خرجت کوترهدی و بو مبلغ واکسین خلق ارا ائتلاف بودجهسیدن توللنهدی.
جناب فیروزگه کوره، قیزهماقنی آلدی آلینیش واکسین کمپاینی ایکی دور ده مملکت بویلیب تطبیق ایتیلهدی و بو برنامه تطبیق ایتیلیشی اوچون 41350 دن آرتیق کیشی قیتهدن مسلکی تعلیم کورگن.
ساغلیقنی سقلش وزیرینینگ کوپهیتیریشیچه، اوشبو کمپایننی بیرینچی دوری 10- سنبله دن 19- سنبله گچه 10 کون دوام ایتهدی و ایکینچی دوری 7- عقرب گچه دوام ایتیشی ممکن.
ارایه ایتیلگن رقم اساسیده، 1396- ییلده مملکتنینگ ساغلیک مرکزلریده 25335 قیزهماق واقعهسی رویخطگه آلینگن و بو جملهدن 4488 کیشی یاتقیزیلگن و باشقه 68 واقعهسی اولیم گه سبب بولگن.
قیزهماقنی آلدی آلینیش واکسین تانیشتیریلیشیدن آلدین، هر ییل بوتون دنیاده 20 میلیون باله شو کسللیککه چالینهدی ایکن و یالغیز میلادی 1980- ییلده 2.6 میلیون باله قیزهماقنی آلدی آلینیش واکسین یوقلیگی سبب جان بیرگن.
