بوگون (چهارشنبه) افغانستان جمهور رییسی محمداشرف غنی 8- مارچ دنیا عیاللر بیرلیگی کونی مناسبتی اوچون اوتکزیلگن ییغینده، عیاللرگه قرشی زوروانلیک آلدی آلینیشی اوچون اساسی آدیملر کوتاریلگنیگه قرهمسدن، لیکن هنوز هم خاتین – قیزلرنینگ حقوقی تامین بولمه دیگن. بو حقده قانونگه اشاره بولگنیگه قدر عدالت سیزلیک و تبعضگه قرشی دییرلی مبارزه بولمهگن دیگن جمهور رییس غنی.
جمهور رییسغنی، افغان عیاللری فسادگه قرشی کورهش، قانون عملی بولیشی و خاتین – قیزلر حقوقی تامین ایتیلیشی قیلهجک بیرینچی ایشلر بولیشی اوستیده تاکید ایتگن. او، حکومت نا برابرلیکلر، زوروانلیکلر و تبعیضگه قرشی کورهش یولیده اونچهلیک موفق ایمس دیگن. جناب غنی، افغانستانلیک عیاللردن کیلهجکده اوتکزیله دیگن سیلاولرده دییرلی حصه قوشیشلرینی طلب قیلگن.
حکومت اجراییه ریاستی نینگ باشلیغی داکتر عبداللهعبدالله، عیاللرنینگ فدارکارلیگی مملکت تاریخیگه یازیب قالدیریله دی دیدی. شونینگدیک مملکت خاتین قیزلرینینگ فداکارلیگی آلقیشگه سزاوار دیگن او. عین حالده، ملی بیرلیک حکومت نینگ اجراییه رییسی، حکومت نینگ خاتین – قیزلرگه بیرگن وعدهسی دییرلی بودجه بولمهگن لیگی باعث عملگه آشیریلمهگن لیگینی تَن آلگن.
جناب عبدالله، عیاللرگه قرشی زوروانلیکنی یوق ایتیش بیرینیچیدن حکومت نینگ ادارلریدن نابود قیلینیشی ضرور دیگن. عیاللرگه قرشی یوز بیرگن بوتون دوسیهلرهر تامانلمه تیکشیریلگندن سونگ اولرنینگ عاملی محکمه گه تارتیلهدی دیگن جناب عبدالله.
8- مارچ دنیا خلق ارا خاتین قیزلر بیرلیگی افغانستانده عیاللر جدی مشکللر بیلن روپه ره بولیب تورگن بیر پیتده نشانلنماقده. افغانستانلیک عیاللرنینگ کته قسمی اویدن ایش ییریگچه تورلی زوروانلیکلر بیلن یوزمه یوزلر.
