کنر ولایتینینگ ایکینچیلیک و چارواچیلیک ریاستی مسؤوللرینینگ ایتیشیچه، اوشبو ولایتده اوتمیشلرگه قرهگنده اورمانلرنی کیسیش کمهیگن؛ بیراق حاضرگچه مذکور ولایتنینگ ایریم تومنلریده آغاچلر کیسیلهدی.
سلاموطندارگه صحبت بیرگن کنر ولایتینینگ ایکینچیلیک ریاستی باشلیغی انعامالله ساپینینگ ایتیشیچه، مذکور ولایتنینگ اسمار، سوکی و چپهدره تومنلریده اورمانلر حاضرگچه کیسیلهدی. جناب ساپی، اورمانلر کیسیلیشی آلدی آلینیشی اوچون مردمی کمیته ایجاد ایتیلیشی توغریسیده سعی و حرکت دوام ایتهیاتگنیدن خبر بیرگن.
کنر ایکینچیلیک اداره باشلیغی گه کوره، ایکینچیلیک وزیرلیگی جاری قویاش ییلده مذکور ولایت ایکینچیلیک بولیمیده ایکی یوز میلیون افغانی نظر گه آلگن. اونینگ ایتیشیچه، مذکور پول ایکینچیلیک بولیملرده صرف ایتیلهدی.
کیملیگی سیر قالیشنی ایستهگن بیر منبعنینگ سلاموطندارگه ایتیشیچه، مذکور ولایت ناری تومنیده نیچه کوندن بویان اورمانلرنی کیسیلیشی باشلهنگن و اونینگ آغاچی خیبرپشتونخواه گه قاچاق ایتیلهدی.
کنر یشاوچیلریدن بیرقطاری گه کوره، اورمانلرنینگ کیسیلیشی گه محلی رسمیلرینینگ قولی بار.
کنر ایکینچیلیک اداره رسمیلریگه کوره، اوتکن 20 ییل جریانیده کمیده 25 میلیون متر مکعب آغاچ اوشبو ولایت اورمانلریدن پاکستان گه قاچاق ایتیلگن.
