اداری فسادگه قرشی کورهشنی تیکشیریش و نظارت قیلیش کمیته یا-ده میک نینگ بیر گزارش آرقهلی ایتیشیچه، ایچکی ایشلر وزیرلیگینینگ تدارکاتی ایشلاوچیلری کیرهکلی ظرفیت و بیلیمگه ایگه ایمس دیر.
بوگون "سهشنبه" بو اداره مسووللری «ایچکی ایشلر وزیرلیگیده اداری فساد موجودلیگی توغریسیده بولگن گزارشده»ایتیشیچه، بو توغریده ایچکی ایشلر وزیرلیگی تدارکات ملی انستیتوتی هماهنگلیگی آرقهلی، تعلیم کوریش دورهلرنی یولگه قویگن، بیراق مذکور تعلیمی دورهلر ابتدایی دیر.
اولر، تدارکات بولیمی ایشلاوچیلری ظرفیتینی یوقاری ایلتیش اوچون ایچکی ایشلر وزیرلیگیدن تعلیمی دورهلر یولگه قویشینی سورهگنلر.
اوشبو ییغینده اداری فسادگه قرشی کورهشنی تیکشیریش و نظارت قیلیش کمیتهسی باشلیغی باری سلام نینگ ایتیشیچه، بو کمیته تامانیدن ایچکی ایشلر وزیرلیگیگه قیلینگن 56 تکلیفدن یالغیز 3 تهسی عملگه آشیریلگن، تدارکات و انسانی منبعلر خصوصیده بولگن 28 تکلیف عملی ایتیلماقده و باشقه 5 تکلیف ایچکی ایشلر وزیرلیگی ساختاری اوزگرگنی باعث، آرشیف بولگن و شونینگدیک باشقه 20 تکلیف ایسه توختهتیلگن.
بیراق، ایچکی ایشلر وزیرلیگی سوزلاوچیسی نصرت رحیمی نینگ ایتیشیچه، بو وزارت میک گزارشینی خوش قرشیلیدی. او نینگ بیر ویدیوی پیام آرقهلی سلاموطندارگه ایتیشیچه، بوتوغریده بولگن یوتوقلر تیزلیککه میدیالر آرقهلی افغانستان اهالیسی بیلن شریک قیلینهدی.
عینحالده، اداری فسادگه قرشی کورهشنی تیکشیریش و نظارت قیلیش کمیتهسی نینگ گزارشیگه کوره، ایچکی ایشلر وزیرلیگی نینگ تدارکات و انسانی منبعلر بولیمی قطار یوتوقلرگه قول تاپگن دیر.
