بوگون "پنجشنبه" خوست، قندهار و ننگرهار ولایتلریده تینچلیک سورهش حرکت قیتهدن باشلندی و اوشبو ولایت یشاوچیلریدن مینگلرچهسی بو حرکتده اشتراک قیلگنلر.
اوشبو حرکت اعضالرینینگ ایتیشیچه، اولرنینگ تینچلیک سورهش حرکتلریدن حکومت حمایت قیلگن، بیراق طالبان گروهی حاضرگهقدر ایجابی جواب قیتهرمهگن.
بو حرکت اعضالریدن بیری سمیعالله همت، عایله اعضالریدن 38 تهسینی ایچکی اوروشلرده قولدن بیرگن. اونینگ ایتیشیچه، اوروش طرفلرینی حکومت بیلن تینچلیک لایحهسی خصوصیده، مذاکره قیلیسی کیرهک.
تینچلیک سورهش حرکتنینگ باشقه ایکی اعضاسی مسعودصافی و حاجی گلمحمدنینگ ایتیشیچه، حکومت و قوراللی قرشی گروهلر آرهسیده، مذاکره قیلیش زمینهسی یرهتیلگن گهقدر حکومت و قوراللی قرشی گروهلر آتیش کیسین قیلسین.
اولرنینگ ایتیشیچه، تینچلیک سورهش حرکتنینگ باشقه ولایتلرده هم دوام تاپیشی ممکن.
مملکتده تینچلیکنی تامین قیلیش اوچون منطقه و دنیا مملکتلرینینگ سعی و حرکتی کوپهیگن بیرحالده، اوشبو ولایتلرده تینچلیک سورهش حرکت قیتهدن باشلنگن.
