.jpg)
سلاموطندار ترماغی بیلن صحبت قیلگن دایکندی ولایت خاتین – قیزلر ایشلری بوییچه ادارهنینگ باشلیغی ذکیه رضایی، مملکت بویلب دایکندی ولایتیده قیزلرنی اویدن قاچیش حاللری کوپ دن کوپ کوزهتیلهدی دیگن. 1394- ییلده اویدگن قاچگن قیزلر جنایی جرملرگه قرشی کورهشیش ادارهسی تامانیدن قولگه آلینگنلرنینگ رویخطی مذکور ادارهگه بیریلگن دیدی خانم ذکیه. حال بوکه ولایتده درکسیز یوقالگن قیزلرنینگ هم سانی کم ایمس لیگینی تیلگه آلگن ولایت عیاللر ایشلری بوییچه اداره باشلیغی.
دایکندی ولایتی عیاللر ایشلری بوییچه اداره رییسی، قیزلرنینگ بی خبرلیگی و عایلهلرنینگ سنتی بولگنلیگی قیزلرنینگ اویدن قاچیشی اوچون بیرینچی عامل دیگن.
شونینگدیک انسان حق و حقوقلری ساحهوی ادارهسینینگ مسووللری، افغانستان مدنی قانونیگه قرهگنده قیزلرنی اویدن قاچیشی تورموشگه چیقاریش معنی سینی انگلهتهدی دیگن. لیکن، بو مساله ایسه دایکندینینگ جماعهسیده ییریک بیر قیینچلیککه ایلنگن.
دایکندی انسان حق و حقوقلری ساحهوی ادارهسینینگ رییسی جواد دادگرگه کوره، کمیسیوننینگ حساباتیگه کوره، اویدن قاچیش حاللرنینگ کوپینچهسی عایلهوی زوروانلیکلردن کیلیب چیقهدی.
.jpg)
جناب دادگر، کوپینچه موردلرده اویدن قاچیب تورموشگه قیزلرنینگ حیاتی باریب، نهایت طلاق مسالهسیگه باریب تقیلهدی دیگن.
زینب، آتهسینینگ اویدن قاچگن قیزلردن؛ او، یقینده بامیاندهگی سیوگیسی بیلن تورموش قورگن. اونینگ سوزلریگه کوره، آتهسینینگ اوییدن چاقیشگه بیرینچی مساله عایلهدهگی روحی باسیملری باعث بولگن. زینب، دایکندیلیک قیزلر بولهجک تورموش اورتاقلرینی اوزلری تنلشگه حلقی ایمسلرمی دیدی.
دایکندی شهرستان تومنینینگ یشاوچیلریدن بیری گل پاشنینگ سوزلریگه کوره، قیزلر اویدن قاچمسدن آلدین مساله توغریسیده آته – آنه لرینی کوندیریشلری کیرهک.
لیکن، گل پایشنینگ اوزیم ایستهگن کیشیگه تورموشگه چیقیش اوچون آته – آنهام توسیق یرهتگن حالده، اوزی هم اویدن قاچیشگه تیار ایکنلیگینی ایتهدی.
آغیر قلین، قیشاقلیک، ایشسیزلیک، جمامعهدن بی خبرلیک، روزدن تورموشگه چیقاریش و ایریم موردلرده زوروانلرنی ارهلهیشی قیزلرنینگ آتهسی اوییدن قاچیشی اوچون اصلی عامل بولگنلیگی تاکیدلنهدی.
