 (2).jpg)
رخشانهنی تاش کومدی قیلیش، 30 کیشی تینچ اهالینی آتیب اولدیریش، اردو کوچلریدن 5 کیشینی صحرایی محکمه قیلیش، امنیتی کوچلر پوستهسیگه هجوم قیلیش و باشقه نیچه جنایتگه عیبلنگن مولوی سعدییارنینگ ایتیشیچه، او هیچ قندهی بیرجنایت قیلمهگن.
جناب سعدییار غور ولایتیده خبری انجمن آلیب اوزینی اسلامی حزب جهادی قومندانلریدن و حکومت یاردمچیسی معرفی قیلگن. اونینگ ایتیشیچه، هیچ قچان تینچ اهالی و حربی کوچلرنی اولدیریب و یشاوچیلرنی تالان قیلمهگن. او ادعا قیلگنلرگه جواب بیریشگه حاضر ایکنلیگینی تیلگه آلگن.
جناب سعدییارگه کوره، محلی رسمیلر، امنیتی نهادلر، ولایتی کینگش، ولایت تینچلیک کمیتهسی و یاش اولوغلری اونی گناه قیلمهگنلیگینی تصدیقله گنلر.
جناب سعدییار منطقهسی و خلقیدن دفاع قیلیشده حکومت حمایتینی طلب قیلهدی.
بو بارهده امنیتی رسمیلر و اسلامی حزب نظرینی آلماقچی بولیب تلاش قیلدیک، لیکن نتیجه بیرمهدی.
بوندن آلدین غور رسمیلری، مولوی سعدییارنینگ رخشانهنی تاش کومدی قیلیش و باشقه نیچه جنایت عاملی دیگن ایدی و اونینگ داعش جنگریلریگه قوشیلگنلیگیدن خبر بیرگن ایدیلر.
اوچ آی آلدین مولوی سعدییار تن کسللیگی سبب اوزینی دولتگه تاپشیرگن ایدی و ساغلیغی یخشی بولیشی بیلن ملی امنیت ریاستی تامانیدن قویباریلیب منطقهسیگه یوباریلدی.
