غزنی ولایتینینگ ساغلیقنی سقلش ریاستی باشلیغینینگ ایتیشیچه، اوشبو ولایتنینگ کسلخانهسیده اوتکن بیر ییل جریانیده توییب آوقتلنمسلیک کسللیگی گه چالینگن کمیده 2 مینگ باله دارولنگن و شو یوزهدن مذکوره ولایتده توییب آوقتلنمسلیک کسللیگی خصوصیده خواطرلر کوپهیگن.
غزنی ولایتینینگ کسلخانهسینی توییب آوقتلنمسلیک کسللیگی دارولنیش بولیمیده بالهلرینی دارولش اوچون کیلگن اونلرچه عیال صف تارتگن.
مذکور عیاللرنینگ کوپینچهسی غزنی ولایتینینگ قشاق عایلهلریگه تیگیشلی بولهدی. اولرنینگ ایتیشیچه، بالهلری توییب آوقتلنه آلمهیدی.
غزنی ولایتینینگ ساغلیقنی سقلش ریاستی باشلیغی ظاهرشاه نیکملنینگ سلاموطندارگه ایتیشیچه، اوشبو ولایتده توییب آوقتلنمسلیک کسللیگی کوپهیگن، بیراق بو کسللیککه قرشی کورهش اوچون تدبیر آلینگنیدن خبر بیرهدی.
غزنی ولایتینینگ داکترلریدن بیری یاسین بیاتنینگ ایتیشیچه، توییب آوقتلنمسلیک کسللیگی بالهنی کوچسیز قیلهدی و شونینگدیک، بالهنینگ توشونچهسی سُست بولیشیگه سبب بولهدی.
داکترلرگه کوره، بالهلر آرهسیده کوپهیگن توییب آوقتلنمسلیک کسللیگینی اصلی عاملی قشاقلیک، صحی ایچیملی سوو یوقلیگی و عایلهلر تامانیدن نظافت نظرگه آلینمهگنی دیر.
