سیز حاضرگچه عمومی ییرلرنی دیوارلریگه کوز تیکدینگیزمی؟ تیل‌گه آلیشی جسارت ایسته‌یدیگن ناتوغری چیزیغلر، ایستده‌لیک‌لر، پیام‌لر و قول یازمه‌لریگه گواه بولگن سیز می؟ تشناب دیوارلری، عمومی بِنالر و شهری موترلرنینگ چوکی‌لریده سیوگی معناسی بولگن پیام‌لر، قتیق و ناپسند سوکیش‌لر و تلیفون رقم‌لر یازیلیشی عادی موضوع گه اوزگرگن و آز عکس‌العمل‌گه روپه‌ره بوله‌دی. اوشبو یازمه‌لر مذهبی و باستانی ییرلرنی دیوارلری و سیاسی و مدنی سیمالرنینگ مقبره‌لرینی یوزیده هم کورینه‌دی. کابل بیلیم یورتی گه کیریب و سیدجمال‌الدین افغانی‌نینگ مقبره‌سیگه کوز تیککن چاغینگیزده کوپینچه ایستده‌لیک و یازمه‌لرگه گواه بوله‌سیز؛ شبهه سیز اوشبو یازمه‌لرنی کوپینچه‌سی مذکور آکامیه محیط‌نی اوقووچیلریگه تیگیشلی بوله‌دی.
کابل بیلیم یورتینینگ اوقووچیلریدن بیرقطاری، دیوارلرده چیزیغیلر و ایستده‌لیک یازیشنی ناتوغری مدنیت بیلهدیلر. اولرنینگ ایتیشیچه، تاریخی مکانلرگه ایستده‌لیک و چیزیغی یازیش اهالینینگ مدنیت و تاریخی ارزشلرینی ایاق آستیگه قرار بیرهدی.
کابل بیلیم یورتینینگ اوقووچیلریدن ایکی تهسی خاطره و ساجدنینگ ایتیشیچه، سیدجمال‌الدین مقبرهسینینگ دیوارلریگه ایستده‌لیک و چیزیغی یازیش، اوشبو تاریخی آثار سیماسینی اورتهدن ایلتگن و اوقووچیلرنینگ ناتوغری مدنیتی بارلیگینی کورستهدی.
بیراق اوقووچیلردن باشقه بیری ساره، شهر دیوارلریگه پیام و چیزیغی یازیشنی ایکی بولیمگه ایرهدی. اونینگ ایشانچی گه کوره، دولتی و مدنی نهادلرنینگ پیاملری اهالیگه معلومات بیریش خصوصیده مثبت تاثیر قویهدی؛ بیراق معنیسی بولمهگن چیزیغیلر و ایستده‌لیک‌لر دیوارلرنینگ سیماسینی کمهیتیرهدی.
کابل بیلیم یورتینینگ اوقووچیلریگه کوره، مقبرهلرگه معنیسی بولمهگن چیزیغیلر و ایستدهلیکلرنینگ یازیلیشی کپراغ عقدهیی شکلده صورت تاپهدی و موفق بولمهگن قطار کیشیلر منطقی بولمهگن ایستکلرگه قال تاپیش اوچون معنیسی بولمهگن چیزیغی و ایستده‌لیک یازهدی.
