بوگون "چهارشنبه" باش قارالاوچیلیک سوزلاوچیسی جمشید رسولینینگ کابلده بیر خبری ییغینده ایتیشیچه، 1396-ییل جدی آیدن 1397-ییل جدی آیگهقدر عیاللرگه قرشی زوروانلیکلر توغریسیده 2701 دوسیه مملکت 34 ولایتیده تیکشیریلگن.
اونینگ ایتیشیچه، کلتکلش، جنسی زوروانلیک، خودکشلیک و اوزنی اوت بیریش عیاللرگه قرشی زوروانلیکلر جملهسیدن دیر.
باش قارالاوچیلیک سوزلاوچیسی گه کوره، اوتکن بیر ییل جریانیده جنسی زوروانلیک توغریسیده 195 دوسیه تیکشیریلگن و بو جلمهدن 112 واقعهسی قتل ایکن.
رسولینینگ کوپهیتیریشیچه، عیاللرگه قرشی زوروانلیکلرنی تیکشیریش اوچون باش قارالاوچیلیکنی جدی ارادهسی بار و بو توغریده بولگن بوتون دوسیهلر قانونی و عادلانه صورتده، تیکشیریلهدی.
رسولیگه کوره، اوتکن 2 ییل جریانیده باش قارالاوچیلیککه عیاللرنینگ حضوری 3% دن 22% گه کوپهیگن.
بوتوغریده
باش قارالاوچیلیک سوزلاوچیسیگه کوره، اوشبو اداره، زوروانلیککه قربان بولگن عیاللرگه مصلحت بیریش و درمانلش مرکزنی ایجاد قیلگن و اولر بو مرکز آرقهلی قربان بولگن عیاللرگه مصلحت بیرهدی.
اونینگ کوپهیتیریشیچه، بوتون ولایتلرده عیاللرگه قرشی زوروانلیکلرنی تیکشیریش خاص واحدلر ایجاد ایتیلگن و مملکت 32 ولایتیده اوشبو واحدلر عیاللر تامانیدن اداره ایتیلهدی.
اخیرگی ییللرده عیاللرگه قرشی زوروانلیکلرنی کمهیتیریش خصوصیده قطار قانونلر نافذ ایتیلگن؛ بیراق عیاللرگه قرشی بولگن زوروانلیکلر رقمی خواطرلنتروچی دیر.
