تخار ولایتیده اوتگن ییل بیرینچی اوچ آییگه قرهگنده جاری ییل بیرینچی اوچ آییده قتل حادثه لری کوپهیگن. تخار ولایتی عیاللر ریاستینینگ باشلیغی جاری ییل بیرینچی اوچ آییده ۵ عیال اولدیریش حادثهسی روی بیرگن، اوتگن ییل بیرینچی اوچ آییده ۴ تقل رویخطگه آلینگن ایکن.
تخار ولایتی نینگ عیاللر ریاستی باشلیغی رزمآرا حواشنینگ سلاموطندارگه ایتیشیچه، جاری ییلنینگ بیرینچی اوچ آییده، ولایتنینگ عیاللر ریاستیده قتل ایتیلگن خانملردن بیش قضیه رویخطگه آلینگن. اونگه کوره، قتل ایتیلگن عیاللر اول اوغیرلنیب، جنسی زورلنگندن سونگ اولدیریلگن.
خانم حواش، عیاللرنینگ قتل ایتیش اصلی عاملی، مسؤول سیز قورالی شخصلر، پولیس اولرنی حبسگه آلیش کوچیگه ایگه ایمس دیگن.
تخار ولایتی نینگ عیاللر حقوقی بوییچه فعاللر ولایتیده عیاللر قتل ایتیش حادثه لری کوپلگنیدن خواطر بیلدیرگنلر.
تخارده عیاللر حقوقی بوییچه فعال سمین حسینی ولایت عدلی و قضایی نهادلرینینگ عیاللرگه قرشی خشونت عامللریگه جزا بیریش بارهسیده جدی یاندشمه گنلیککه عیبلب، اوشبو نهادلر رسمیلری عیاللر اولدیریش قضیهلرینی جدی سوروشتیرمهیدی دیدی.
بیراق تخار ولایتی پولیس قوماندانلیگینینگ سوزلاوچیسی خلیل اسیر گه کوره، اخیرگی بیر آیی مابینیده عیاللرنینگ قتل عامللری تانیلمهگن، اولرنینگ کیملیگی انیقلنگن صورتده، پولیس تامانیدن قولگه آلینهدی.
جناب اسیر، حاضرگه قدر تالقان شهریده یوز بیرگن قتل حادثهلری، مسؤول سیز قورالی کیشیلر یا ده باشقه شخصلر آرقهلی بجریلیشی اینیقلنگن صورتده، اولر قولگه آلیب عدلی و قضایی نهادلرگه تاپشیرهدی.
تخار ولایتی عیاللر ریاستینینگ رقملریگه کوره، اوتگن ییل عیاللرگه قرشی ۳۹۵ خشونتلی حادثه روی بیرگن، اما جاری ییل بیرینچی اوچ آی جریانیده اوشبو ریاستده عیاللرگه قرشی جملهدن اولدیریش، کلتکلش و زورهوانلیک قضیهلریدن 84 حادثه رویخطگه آلینگن، طالبلر کنترولیده بولگن منطقهلرده عیاللرگه قرشی زورهوانلیک کوپ بولیشی ممکن، لیکن حکومت او منطقهلرده حاکم بولمهگنی اوچون هیچ قندهی اولدیریش قضیهلریدن رقم قولگه آلینمهگنینی معلوم قیلگن.
