چمهسی ییگرمه کون آلدین سلاموطندار « کیچیک کیلین؛ هیچ بیر کیچهنی قیناقسیز تانگ آتدیرمهگن من» نامی آستیده بیر گزارش نشر قیلگن ایدی. بو گزارشده قیین آتهسی نینگ اوییده هیچ بیر کون قیناقسیز کیچ قیلمهگن و هیچ بیر کیچهنی ایسه قیناقسیز تانگ آتدیرمهگن14 یاشر کیلین نینگ حکایهسی اورگه نیلگن ایدی.
سابق وگمهدن بیزنینگ قولگه کیریتگن صورتلریمیزده اونینگ ساچینی اوزیب آلیشنی حکایه قیلووچی قیناقلر کوزگه تشلنردی. اما، حاضر اونینگ سلاموطندارگه حکایه قیلیشیچه، مذکور گزارش نشر بولگندن سونگ کوتیلمهگن درجهده مسووللر آرقهلی اعتبارگه آلینیب و ایرینینگ قیناغیدن قوتیلگن.
وگمه، اوشبو گزارش فعال خاتین – قیزلرنینگ دقتینی جلب قیلیشگه سبب بولدی دیگن. حتی عایلهوی زورانلیک قربانلرینینگ دادخواهلیگی اوچون هم بو گزارش باعث بولدی دیگن وگمه.
بلاغتگه ییتمهگن بو کیچیک قیز ییگیرمه کون آلدین کورگن قیناقلریگه قرهگنده بوتونلی اوزگرگن. اونینگ لبی دایم کولگیدن اریمیدی. کورینیشیچه وگمه حیاتگه سَل – پَل امیدوار. اوگمه، قالگن حیاتینی زوروانلیک قربانی بولگن خاتین – قیزلر اوچون دادخواهلیککه صرفلشنی ایتهدی.
.jpg)
او، حاضر بغلان ولایتیدهگی امنیتی تامین بولگن اویلردن بیریده حیات کیچرهدی. وگمه روزوانلیککه روپه ره بولیب تورتگن بوتون عیاللردن، اوزیدن اورنک آلیب هر قندهی زوروانلیک مقابلیده جیم تورمی آوازلرینی چیقاریشنی سورهگن.
بغلان خاتین – قیزلر ایشلری بوییچه ادارهنینگ باشلیغی خانم خدیجه یقین، جمیعتدهگی قالاق عرف و عادتلر عیاللر برابریده زوروانلیک میزانی آشیشی اوچون اساسی عامل حسابنلهدی دیگن.
او، عایلهلرنینگ بویوکلریدن فرزندلری حقوقینی نظرده توتیشلرینی طلب قیلگن.
وگمه، خانهدانی نینگ اقتصادی قیینچیلگی سبب بوندن بیر ییل آلدین 17 یاشر یاش – ییگیتگه تورموشگه چیقاریلگن ایدی.
سابق گزارش همده ولایت خاتین – قیزلر ایشلری بوییچه اداره باشلیغی نینگ سوزلریگه اساسن، بو قیز ایرینینگ خانهدان اعضاسی، بونی اوینینگ کوندهلیک ایشیگه اعتبار بیرمسلیک عیبی بیلن قیناق آستیگه آلیب بعضی حاللرده حتی ساچینی اوزیب آلگنلر.
