فاریاب ولایتیدن بولگن فوزیه آتلی عیال، 10 آی آلدین میمنه شهریدن اوغیرلنگن و سونگی کونلر آدم اوغیرلاوچیلرنینگ قولیدن قاچیش گه مؤفق بولگن. او، قاچیش گه مؤفق بولگنیدن خرسند دیر و 10 آی جریانیده باشیدن یمان وضعیتلرنی کیچیرگن.
فوزیه نینگ ایتیشیچه، کمیده 10 آی آلدین کسللیگینی دارولش اوچون کسلخانه تامان بارهیاتگن چاغیده، یول جریانیده اوغیرلنگن. آدم اوغیرلاوچیلر اونینگ تفنگچه بیلن تهدید قیلیب موترگه میندیرگن و میندیرگنیدن سونگ، قول و آیاقلرینی باغلب فاریاب نینگ اوزاقده بولگن تومنلریدن بیری گه انتقال بیرگن.
فوزیه نینگ سیماسیده حاضر هم قورقینچ و اسیرلیک نشانهسی کورینهدی و باشیدن اوتکن نرسهلرنی حکایه قیلماقچی بولگنده تیلی توتیلهدی. بیر آز ساکینلشگنیدن سونگ، ایتیشیچه، آدم اوغیرلاوچیلر اونی یلنغاچلب و اوستیگه زوروانلیک قیلگن و عین حالده، اوندن فلم آلگنلر.
فوزیه نینگ کوپهیتیریشیچه، بیر مدتدن کیین آدم اوغیرلاوچیلرنی اونینگ جوزجان ولایتی گه انتقال بیریب و بیر اتاق ده حبس قیلگن.
تنهسیده پیچاق یرهلری کورینگن فوزیه نینگ دوام بیریشیچه، «آدم اوغیرلاوچیلردن بیری مینی کلتکلب و وجودیم نی پیچاق بیلن کیسردی.»
فوزیه قیزیق بیر موضوع گه اشاره قیلیب ایتیشیچه، آدم اوغیرلاوچیلردن بیری اونینگ اوغیرلگنیدن سونگ، اویلری گه مراجعت قیلیب و عایلهسیگه قیغوداشلیک بیلدیرگن.
فوزیه گه قرشی 10 آی جریانیده بولگن زوروانلیک و اسارت اونینگ جسمی و روحی قیینچیلیکلرگه دوچار قیلگن. فوزیه حکومت و مسؤول ادارهلردن بو واقعه عامللرینی قولگه آلیب و جزالنتیریشینی سورهیدی.
شو توغریده…
هرات ولایتیده قوراللی آدم اوغیرلاوچیلر کوپهیگن
