 - Copy 1.jpg)
داعش طرفدارلری تورت کون آلدین (جمعه، 4- سرطان) ننگرهار ولایتینینگ کوت تومینیگه باستریب کیرگنلر. بو حادثه ده جانی و مالی تلفاتدن تشقری اونلب خانهدان اوز اوی جاینی ترک قیلگن.
افغان ملی کوچلری بیلن داعشنینگ اوروش چیغزی نیچه قدملیگیدهگی سیهپای منطقهسیده سلاموطندار خبرچیسینینگ اهالیگه اساسلب ایتیشیچه، داعش منقطهده اهالی اوی جایلرینی اوتده یاندیرگن.
سیهپای منطقهسینینگ یشاووچیلری، بو جنگری گروه بیر قنچه بالهلر و خاتینلرنی آتیب اولدیرگن لیک لردن تشقری بیر قنچه عیاللرنی اوز لری بیلن بیرگه آلیب کیتگنلر دیگن.
اهالیگه کوره: « بیر اوی هم بوتون قالمهگن برچه بنالرنی داعش اوتده یاندیریب یوبارگن» اولر، داعش جنگریلری هر بیر کوچه و کوی و یشش بنالرگه کیریب آلیب انساندن آلیب حیوانلرگچه قتل قیلگن.
عینی گواهلر، داعش گروهی ایچیده پاکستانلیک، عرب، ترکمن و اوزبیک جنگریلر بارلیگینی ایتگنلر. سلاموطندارنینگ خبرچیسیگه کوره، حاضر هم امنیتی کوچلر بیلن داعش جنگریلری اورتهسیده آغیر اوروش جریانی بارلیگی ایتیلهدی.
.jpg)
امنیتی مسووللری، هنوزگچه اوروش جریانیده داعشنینگ 200 اعضاسی اولدیریلگن لیگینی ایتگنلر. ایتیلیشیچه، بو گروه نینگ اونلب جنگریسی تن جراحتی آلگن.
ننگرهار پولیس قوماندانی رزور زاهدنینگ سلاموطندارگه معلوم قیلیشیچه، افغان ملی کوچلری اوتگن کوندن بیری ولسوالیک مرکزیگه قدر 10 کیلو متر ایلگری بارگنلر. زاهد، داعش جنگری لری شکستگه روپه ره بولگنلر تیزیکده بو تومن افغان ملی کوچلری نظارتیگه اوتهدی دیدی.
قولگه کیریتیلگن معلوماتلرده داعش گروهی بیلن ملی کوچلر اورتهسیده یوز بیرگن اوروش ننتیجهسیده 6 تینچ اهالی و ملی کوچلردن 10 سی هلاک بولگن و ملی کوچلردن 18 تهسی تن جراحتی آلگن لیگی قید یتیلگن. اما، منطقه یشاووچیلریگه کوره، تینچ اهالی و ملی کوچلرگه ییتکزیلگن تلفات ولایت محلی رسمیلری ایتگندن کوره کوپ دیر.
.jpg)
