۱۷ یاشر مینگ بیبینینگ ایتیشیچه، اونگه ایکی مرته قیناتهسی اویقو داروسی بیرگن و اوندن کیین جنسی زورلهگن.
بو عیالنینگ ایتیشیچه، ایری خالالدین بیلن هم اویلنمسدن آلدین جنسی علاقه قوریلگن ایکن، «۱۰ آی آلدین مینگه خالالدین تجاوز قیلدی و کیین محکمهده نکاح قیلدیک و جنجاللر حل ایتیلگنیدن کیین قیناته منی اویگه کیلدیم.»
حادثه تخار ولایتی چال تومنینینگ زمبورک قیشلاغیده روی بیرگن.
اونینگ ایتیشیچه، ایری قماققه تشلنگن و ایناغهسی اونی اولدیریشگه قصد قیلگن. اونینگ آگاهلنتیریشیچه، جانی ایناغهسی تاماندن خطرده توشگن و اونی امنیتی آلینیشی لازم.
تخار ولایتینینگ پولیس باشلغی فقیرمحمد جوزجانینینگ ایتیشیچه، بوخانم شوبوگون ایرتهلب پولیس قومندانلیگیگه کیلگن و قیناتهسی جنسی زورلهگنینی ادعا قیلگن.
جوزجانیگه کوره، مینگ بیبینینگ قیناتهسی طاهرنی جرمی ثابت بولمهگن و بوبارهده تیرگاو باشلنگن.
فقیرینینگ ایتیشیچه، محل یاش اولوغلری مسأله حل ایتیلیشی اوچون اورته گه کیرگنلر.
اما تخار عیاللرینینگ باشلیغی رزمآرا حواش اوشبو عیال جانی خطرگه دیگن. او امنیتی نهادلردن مینگ بیبی جانینی قوریش اوچون تخار مرکزی تالقان شهریگه آلیب باریشلرینی طلب قیلگن.
