بوگون (دوشنبه) افغانستان مدنی جامعه (مجما) اعضالری کابلده خبری انجمن آلیب، طالبلرنینگ میدان وردک اورگه تیش مرکزیدن کیلهدیگن پولیس کاروانیگه سونگی هجومیگه قرشی عالملر کینگشی سکوت قالیشینی اویتلی بیلهدیلر.
مذکور هجومده ینگی حربی فنلر اورگهنیب کیلهدیگن عسکرلردن 32 کیشی هلاک و باشقه 58 تهسی یرهلنگن ایدی.
مدنی فعاللر بو اولتیریشده، اوشبو هجومنی اسلامگه قرشی بیلیب و بو عملنی قارهلهدیلر.
مجما اعضالریدن بیری خلیل رووفینینگ ایتیشیچه، جنگریلر تامانیدن گناهسیز یشاوچیلر و امنیتی کوچلر اولدیریلیشیگه دولت یوقاری مرتبهلی رسمیلرینینگ مسولیتسیزلیک بیلن یاندهشیشلری وقضیه عامللرینی توتیب جزالنتیرمسلیکلری چیدهگی دیگ ایمس. جناب رووفیگه کوره، اوشندهیکه یشاوچیلر و مدنی فعاللر نظامده بیشینچی ستون بارلیگیدن شکایت قیلهدیلر، اما دولت بو موضوعگه تفاوت سیزلیک بیلن برخورد قیلهدی.
مجمانینگ رسمیلری اعلامیه صادر قیلیشلری بیلن حکومت باشلیغلرینی قومگرالیک و تعصبلی یاندهشیشلرینی قارهلب و ملی بیرلیک حکومت باشلیغلریدن سونگی خودکش هجومگه قولی بولگنلر بیلن قومی و سلیقه یوزهسیدن کیلیشمسلیکلرینی ایستهیدیلر.
هردایم تروچی گروهلر و طالبلر عملی بارهسیده دینی بیلگی صفتیده عالملر کینگشی سکوت اختیار قیلگن و مذکور کینگش، طالبلر تامانیدن امنیتی کوچلر و تینچ اهالی اولدیریلیشینی آز قارهلهگن.
بو شوپیتده دیرکه اوتگن کون کیش قورنده، جمهور رییس خاص بیرکمیسیون توزهتیشی بیلن سونگی هجوم دوسیهسی کوریب اوتیلیشیگه حکم بیریشی بیلن ایچکی ایشلر وزیرلیگی ایشلاوچیلریدن 5 یوقاری مرتبهلی رسمیسی ایشدن آلیندی و مذکور وزیرلیک رسمیلریگه باشقه 5 ایشلاوچیسینی هم ایشدن آلیش حکمینی بیردی.
