غور ولایتینینگ یشاوچیلری، مذکور ولایتنینگ کسلخانهلریده آمبولانس کَملیگی و ساغلیک خذمتلری ییترلی شکلده ارایه ایتیلمهگنیدن شکایت قیلهدیلر. اولرنینگ ایتیشیچه، کسللرینی کرایی نقلیه واسطه یا-ده ایشک آرقهلی ساغلیک مرکزلریگه انتقال بیرهدیلر.
یشاوچیلرگه کوره، ساغلیک مرکزلری اوزاق بولگنی سبب، ایریم کسللر مرکزگه ییتیشمهی و یولده جان بیرهدیلر.
غور یشاوچیلریدن عبدالقدیر سلیمی و سیدرحمان رحمانی، اوشبو موضوعلرنی ایسلب و حکومتدن بو قیینچیلیککه دقت قیلیشینی سورهیدی. اولرنینگ ایتیشیچه، حاضرگی قیینچیلیک حل ایتیلیشی اوچون بوندن آلدین هم سیس چیقارگنلر، بیراق رسمیلر اولرنینگ ایستکلریگه دقت قیلمهگن.
غور ولایتینینگ ولایتی کسلخانهسی باش طبیبی عارف لعلزاد، اعتراضچیلرنینگ سوزلرینی تصدیقلب ایتیشیچه، مذکور ولایتنینگ کسلخانهسیده یالغیز 3 آمبولانس فعالیت قیلهدی. شو یوزهدن، کوتیلمهگن حادثهلر برابریده هیچ ایش قیله آلمهیدیلر.
بیراق، غور ولایتینینگ ساغلیقنی سقلش ریاستی باشلیغی جمعهگل یعقوبینینگ ایتیشیچه، کیلهجک ییلده مذکور ولایت اوچون باشقه 8 آمبولانس ساتیب آلینهدی.
