%20-%20Copy%201.jpg)
سلاموطندار اختیاریگه قرار تاپگن حجتلرگه کوره، پروان ولایتیده نیازمند عایلهلر ییگولیک ماده و ساغلیک مرکزلرگه ساغلیک تجهیزات ساتیب آلینیشی اوچون اجرهتیلگن پولدن «2069251» افغانیسی یوقالگن.
پروان ولایتیده ساغلیک تجهیزاتلر و نیازمند بولگن 2 مینگ عایلهگه ییگولیک ماده ساتیب آلینیش جدولیگه گوره، مذکور مادهلرنینگ بهاسی پروان و کابل بازارلری نینگ بهاسی دن کوره یوقاری دیر.
پروان محلی حکومتی تامانیدن تیارلنگن جدول نینگ بیرینچی سانیده «هندرب 500 سیسی» ناملی بیر بوتل ضدعفونی مایع 730 افغانی ساتیب آلینگن، بیراق مذکور مایع اعتبارلی داروخانهلرده 500 افغانی ساتیلهدی.
مذکور جدول نینگ 12- سانیده بیر بسته قول قابی نینگ 1216.8 افغانی ساتیب آلینگنی یازیلگن، بیراق مذکور قول قابی ساغلیک لوازملر ساتیلهدیگن مرکزلرگه پرچون شکلده 1100 افغانی ساتیلهدی.
جدول باشقه بیر بولیمیده «N95» نشانهلی بیر ماسک 470 افغانی پروان محلی حکومتی تامانیدن ساتیب آلینگن، بیراق مذکور ماسک کابل بازاریده پرچون شکلده 250 افغانی ساتیلهدی.
مذکور گزارشنی تیارلش اوچون 30 مورد ساغلیک تجهیزات جملهسیدن 22 موردی تیکشیریلگن، بیراق گزارشده 3 موردینی ذکر قیلیشگه اکتفا قیلهمیز. بو ارا ده «1189251» افغانی تفاوت بار.
ساغلیک تجهیزات و لوازملرنینگ بهاسی کون اوتیش بیلن کوپهیب بارماقده، بیراق پروان محلی حکومتی مذکور تجهیزاتلرنی رمضان مبارک آیی کیلمسدن آلدین ساتیب آلگن و حاضرده قرهگنده او پیتلرده مذکور لوازملرنینگ بهاسی قویی ایدی و سلاموطندار نینگ خبرچیسی اوشبو ساغلیک لوازم و تجهیزاتلرنینگ بهاسینی ثور آی نینگ 16- تاریخی ده تیکشیرگن.
.jpg)
پروان محلی حکومتی کرونا ویروسیگه قرشی کورهشیش اوچون 1 یریم آی فعالیت قیلگنیدن سونگ، میدیالر حضوریده چیقیب فعالیتلری خصوصیده معلومات بیردی. پروان ولایتی بوییچه کرونا ویروسیگه قرشی کورهشیش کمیتهسی باشلیغی ده اوشبو ولایت حاکمی نینگ اورین باسری شاهولی شاهد قرار تاپگن. او نینگ خبری بیر ییغینده ایتیشیچه، پروان محلی حکومتی 9 میلیون افغانیگه ساغلیک تجهیزاتلر ساتیب آلگن.
جناب شاهد نینگ ایتیشیچه، پروان ولایتیده نیازمند عیاللرگه یاردم بیریش اوچون 8 میلیون افغانیگه اون، برنج، یاغ، شکر، چای، لوبیا و توز ساتیب آلینگن.
پروان محلی حکومتی، فعالیتلری نینگ ایکینچی بولیمیده هر بیر عایلهگه 50 کیلو اون، 10 کیلو برنج، 5 لیتر یاغ، 3.5 کیلوگرام بوره، 3.5 کیلوگرام لوبیا، 1.5 کیلوگرام چای و 2 کیلوگرام توز یاردم بیریشگه قرار قیلگن.
قرنطینه نینگ بیرینچی کونلریده پروان بازاریده اون نینگ بهاسی یوقاری کیتگن بیرچاغده، پروان محلی حکومتی سعی و حرکت قیلیب 1200 بوجی اوننی خیرالدین مایل پرونی ناملی بیر سوداگر دن 1600 افغانیدن ساتیب آلگن.
بیراق، پروان محلی حکومتی ییگولیک ماده ساتیب آلیش اوچون سوداگرلر و ییگولیک ماده وارد قیلهدیگنلرگه مراجعت قیلمهگن و نیاز بولگن ییگولیک مادهنی بازار بهاسیدن یوقاری ساتیب آلگن.
نیازمندلر اوچون ییگولیک ماده ساتیب آلینگن جدولده بیر بوجی قزاقی اون نینگ بهاسی 2 مینگ افغانی ییتیشتیریلگن، بیراق مذکور اون پروان بازاریده پرچون شکلده 1800 افغانی ساتیلهدی. ساتووچیلرنینگ ایتیشیچه، عمده شکلده آلینگن صورتده، 50 افغانی تخفیف بیرهدیلر.
شونینگدیک، پروان محلی حکومتی 2 مینگ بوتل یاغ ساتیب آلگن و مذکور یاغلرنی هر بیری نینگ بهاسیگه 70 افغانی، هر 10 کیلو برنج ده 70 افغانی، بیر کیلوگرام چای ده 50 افغانی، 7 کیلو لوبیا ده 80 افغانی، هر 7 کیلوگرام بوره ده 30 افغانی و هر 2 کیلوگرام توز ده 5 افغانی تفاوت بار.
%20-%20Copy%201.jpg)
پروان محلی حکومتی تامانیدن 2 مینگ نیازمند عایلهگه ییگولیک ماده ساتیب آلینیشی اوچون اجره تیلگن 8 میلیون افغانی جملهسیدن «880000» افغانیسی تالان قیلینگن.
پروان حاکمی شاهولی شاهد نینگ ایتیشیچه، مالیات، موادنی انتقال بیریش کرایهسی و ایشلاوچیلرنینگ دستمزدی سبب، مذکور تفاوتلر کورینهدی، بیراق پروان ولایتی بوییچه تدارکات کمیتهسیدن بیر منبع نینگ ایتیشیچه، اجناس و ساغلیک تجهیزاتلر کابلدن ساتیب آلینیب و انتقال بیریلگن، ییگولیک مادهلر پروان مرکزیدن ساتیب آلینگن و ولایت بناسیگه انتقال بیریلگن.
پروان حاکمی اورین باسری نینگ ایتیشیچه، ساتووچیلر عمده شکلده آلینگن مادهلرگه تخفیف بیرمهیدی و اولر یالغیز پرچون شکلده ساتیلهدیگن مادهلرگه تخفیف بیرهدیلر، بیراق بو صبحتلر هیچبیر منطققه توغری کیلمهیدی.
پروان حاکمی نینگ اورین باسری، کرونا ویروسیگه قرشی اجرهتیلگن بودجه دن 18 میلیون افغانی نینگ تینیق شکلده مصرف قیلینگنی و بوتوغریده هیچقندهی فساد یوقلیگی دن ایشانچ بیرهدی، بیراق سلاموطندار اختیاریگه قرار تاپگن حجتلر قرهگنده پروان اوشبو محلی مسوولی نینگ صبحتلرینی ناتوغری دیر.
مالیه حجتیگه کوره، 30 مورد ساغلیک تجهیزات دن «369784» افغانی مالیه بیریلگن. پروان مستوفیتیدن قطار منبعلرنینگ سلاموطندارگه ایتیشیچه، مالیات قانونیگه کوره، 500 مینگ افغانی دن یوقاری بودجهگه نیازی بولگن جنس، پروان ولایتیدن ساتیب آلینگن صورتده، 2% مالیه قوییلهدی، بیراق کابل دن ساتیب آلینیب پروانگه انتقال بیریلگن صورتده، 4% مالیه قوییلیشی ممکن.
پرون ولایتی بوییچه تدارکات کمیتهسیدن قطار منبعلرنینگ ایتیشیچه، اجناس و ساغلیک تجهیزاتلرنی انتقال بیریش هزینهسی، مالیه و ایشلاوچیلرنینگ دستمزدی مذکور تجهیزاتلر ساتیب آلینگن شرکت تامانیدن توللنهدی و شونینگدیک، ییگولیک ماده پروان مرکزی دن ساتیب آلینگن و اونینگ انتقال بیریش هزینهسی قراردادی شرکت تامانیدن بیریلهدی.
پروان محلی حکومتی و تدارکات بولیمیدن ساغلیک تجهیزاتلر و ییولیک مادهلرنی انتقال بیریش برگهسینی کورسهتیشلرینی طلب قیلدیک، بیراق مسووللر مذکور برگهلرنینگ ارایه قیلیشنی ایستمهدیلر.
