بوگون «چهارشنبه» کابلده خبری بیر ییغین اوتکزگن مملکت ساداتلریدن اونلرچهسی، برقی کیملیکلر و دیتابیسده سادات قومینینگ آتی هم رویخطگه آلینیشینی سورهگنلر.
افغانستان سادات قوم کینگشی باشلیغی سیدحامد گیلانینینگ ایتیشیچه، مملکت اساسی قانونینینگ تورتینچی مادهسی اساسیده، برقی کیملیکلر و دیتابیسده سادات قومینینگ آتی مملکتده بیشینچی کته قوم صفتیده رویخطگه آلینیشی ضروری و بو قومنینگ ایستکلریدن دیر.
جناب گیلانیگه کوره، برقی کیملیکده سادات قومینینگ آتی رویخطگه آلینیشی باشقه هیچ بیر قوم گه زیان ییتکیزمهیدی.
اونینگ ایتیشیچه، سادات قومینینگ برقی کیملیکلرده افغانستان یشاوچیلرینینگ کیملیگی صفتیده افغان سوزی رویخطده آلینیشیگه هیچ بیر قیینچیلیگی یوق دیر؛ بیراق افغان سوزی یانیده سادات قومینینگ آتی هم کیملیکده آلینیشی کیرهک.
مملکتنینگ سادات قومی بوندن آلدین هم قوملرینینگ آتی برقی کیملیکلرده آلینیشی توغریسیده باش محکمه گه عریضه قیلگن ایدیلر؛ بیراق حاضرگهقدر دولت تامانیدن اولرگه هیچ بیر جواب بیریلمهگن.
