کنر ولایتی سرکانوی تومنینینگ یشاووچیلری، سونگی کونلرده پاکستان تامانی بو تومنگه یقین حدودلرده دیورند چیزیغی صفتیده حربی قرارگاهلر قورگنلیک لرینی ایتگنلر.
بو تومن نینگ یشاووچیلریدن بیری جمعهخاننینگ سلاموطندارگه بیلدیریشیچه، اوشبو حربی قرارگاهلرنینگ سانی 15 دن آرتیق، بو حربی پوستهلر بلمازی منطقهسیده قوریلگن.
اوشبو قوم یاش اولوغی، پاکستانلیک حربیلر مذکور منطقهدهگی بولاق سووینی هم اوز اختیارلریگه آلگن لیگینی تیلگه آلگن. کنر اهالیسیگه مذکور بولاق سوویدن فایدهلهنیش اوچون پاکستانلیک حربیلر رخصت بیرمیدی دیدی او.
کنر ولایت کینگشینینگ باشلیغی جمالالدین سیار اوشبو خبرنی تصدیقلب، بو قبیل حربی پوستهلر ولایتنینگ باشقه منطقهلریده هم قوریلگن لیگینی ایتگن.
کنر پولیس قوماندانی جنرال عبدالحبیب سیدخیلنینگ بو توغریده سلاموطندارگه معلوم قیلیب ایتیشیچه، پاکستانلیک حربیلر چمهسی 500 متر افغانستان توپراغی تامان کیلگنلر.
پاکستانلیکلرنینگ بولاق سوویدن کنر خلقیگه فایدهلهنیشگه رخصت بیرمسلیگینی سیدخیل هم تصدیق قیلگن. او، افغانستان ییر منبع لری باشقه مملکت تامانیدن فایدهلهنیشی خلق ارا قانونلرگه ضد بولگنلیگی اوستیده علیحده تاکید قیلگن.
جناب سیدخیل، موضوع تیکشیریلیشی اوچون مرکزدن کیلگن هیتلرنینگ سونگی قراری معلوم بولگن دن کیین، بولر فرمان اساسیده عکسالعمل بیلدیریشلری ممکن دیگن.
کنر ولایتینینگ سرکانوی تومنی 10 کیلو متر اوزاقلیک بیلن دیورند چیزیغیدهگی تومنلردن بولیب، بوندن آلدینلری هم پاکستان حربیلری آرقهلی موشک هجومی آستیگه آلینیب تهدید بولگن.
