بوگون (دوشنبه) غور ولایتی کسلخانهسی نینگ قطار داکترلری ولایت ملی امنیت اورین باسری تامانیدن داکترلرگه حقارت بیریلگنلیگی دلیل، ایش تشلب ولایت مرکزی کسلخانهسی ایشیگینی یاپگنلر.
اعتراض بیلدیرگن داکترلرنینگ ایتیشیچه، غور ملی امنیت ریاستی اورین باسری محمد ریاباز جراحلیک اتاقینینگ یاپیق ایشیگیدن اوتیش پیتده، داکتر توسیق چیققنیده جناب دریاباز هم بو داکترنی تحقیر قیلگن.
اعتراض قیلگن داکترلردن بیری ضیاءالدین ضمیرنینگ ایتیشیچه، ملی امنیت اورین باسری ایشی، کییمی و قورالیدن سوءاستفاده قیلیب داکترلرنی تحقیر قیلگن.
اعتراض بیلدیرگن داکترلردن باشقه بیری حبیبه، دریاباز عدلی و قضایی نهادلرگه معرفی قیلینمه گونگه قدر، بولر ایشلریگه دوام بیرمهیدی دیب آگاهلنتیرگن.
بیراق کوپلب کسل کیلتیرگنلرنینگ ایتیشیچه، کسللرینی ساغلیغی یخشی ایمس و داکترلر ایسه ایشلرینی دوام بیرمهگن حالده بولر قیینچیلیک بیلن روپهره بولهدیلر.
بولر محلی رسمیلردن اعتراض قیلگن داکترلر ایسته گیگه ایتیشیب کسللر جانینی نجات بیریشلرینی طلب قیلهدیلر.
غور ملی امنیت ایکینچی اورین باسری محمد دریاباز بو داکترلر ادعاسینی رد قیلیب ایتیشیچه، طالبلر قومندانی ملا سعدییار مداوا قیلینماقده کورگنی بارگن ایکن. اما داکترلر قرشیلیگی بیلن روپهره بولگن. او داکترلردن فقط کسللر و کسل کیلتیرگنلر بیلن محتاط بولیشلرینی اورغولهگن.
حکومت رسمیلری و زورمندلر تامانیدن داکترلر تهدید، کلتکلنیشی و یمان برخوردلری ینگی بیرگپ ایمس، بیراق هر بار بونقه دوسیهلرگه اهمیت بیریلمیدی.
