اوتگن کون «یکشنبه» جلالآباد شهرینینگ آلتینچی ناحیهسیده ناقانونی قوراللی قومندانلریدن بیرینینگ قوروقچیسی 6 یاشر بیر بالهنی جنسی زورلب و اوندن سونگ، مذکور بالهنینگ اولدیریشینی ایستهگن.
مذکور بالهنینگ کته ایناغهسی گه کوره، قومندان عظیمالله نینگ قوروقچیلریدن پهلوان بیرینچیدن ایناغهسینینگ قول و آیاغینی ییب بیلن باغلهگن و اوندن سونگ، اونگه تجاوز قیلگن.
قربان بولگن بالهنینگ آنهسینی ایتیشیچه، قیزینی جنسی زورلهگن کیشی، اونینگ اوزینی کسلخانهده برچهنینگ حضوریده کلتکلگن.
عین حالده، بالهنینگ آتهسینی ایتیشیچه، حکومت اولرنینگ ایستکلریگه دقت قیلمهگن صورتده، ولایت مقامی اونگیده اوزلرینی اوتگه یاندیرهدیلر.
جلالآباد حوزهیی کسلخانهسی باشلیغی داکتر احسانالله شینوارینینگ ایتیشیچه، مذکور باله اوتگن کون کسلخانه گه آلیب کیلینگن و معاینه بولگنیدن سونگ، جنسی زورلنگنی بیلگیلنگن. جناب شینواری گه کوره، حاضر بالهنینگ ساغلیک وضعیتی یخشی دیر.
اوشبو واقعهنی تصدیقلگن ننگرهار حاکمی سوزلاوچیسی عطاالله خوگیانینینگ ایتیشیچه، عیبلنگن کیشی پولیس تامانیدن قولگه آلینگن و تیزلیککه عدلی و قضایی ادارهلرگه تاپشیریلهدی، بیراق حاضرگچه جرمینی بوینیگه آلمهگن.
بو توغریده قومندان عظیمالله و پهلواننینگ فکرینی اورگهنیش اوچون علاقه قوردیک، بیراق مؤفق بولمهدیک.
شونینگدیک، بوندن آلدین ننگرهارنینگ بهسود تومنیده ایکی ایناغه بیر قیزنینگ اوستیگه تجاوز قیلیشگه قصد قیلگن، تجاوز قیلیشلریدن آلدین قیزنینگ عایلهسی تامانیدن قولگه آلینگن و اولر مذکور کیشیلرنی ایرککلیکدن قالدیرگن.
