میدان وردک محلی مسووللری، تاجیکستاندن بو ولایتگه آلیب کیلینه دیگن برق پایهلرینی اورنهتیش ایشی یکونلگن دیدیلر. کیلگوسی 6 آی ایچیده سید آباد تومنی نینگ 30 خانهدانی برق یاروغلیگیدن فایدهلنهدی.
میدان وردک ولایتی والیسی نینگ سوزلاووچیسی عبدالرحمن منگل، برق سباستیشنی اورنهتیش نینگ ایشی 90% تکمیل بولگن دیگن. 6 آیدن کیین بو تومن نینگ 30 مینگ عایلهسیگه برق ترقهتیب بیریلهدی دیگن جناب منگل.
جناب منگل نینگ سوزلریگه کوره، برشنا شرکتی سید آباد تومنی اوچون 20 میگاوات برق اختصاصلشتیریلگن.
برشنا شرکتی نینگ بو آدیمنی خوش قرشلهگن تومن نینگ یشاووچیلری، نیچه ییل کوتگن دن کیین برق یاروغلیگیدن فایدهلهنیش امکانیگه ایگه بولیشنی ایتگنلر. اولر برشنا شرکتیدن برقنی ولایت مرکزی و باشقه تومنلرگه ییتکزیش اوچون هم تدبیر کوریشنی طلب قیلگنلر.
برشنا شرکتی تاجیکستاندن آلیب کیلینه دیگن 220 میگاوات برقنی میدان وردک و غزنی آرقهلی قندهارگه ییتکزیشی ریجهلنتیریلگن. لایحه نینگ برق پایهلرینی اورنهتیش ایشی قویاش 1395 ییلده باشلنیب حاضرگه قدر بو پایهلر غزنی گچه اورنهتیب باریلگن.
