افغانستان بوییچه سیاسی ایش بیلرمان، یازووچی و سلاموطندار میدیا ترماغی نینگ خبرچی و ویراستارلریدن بیری عاشقالله یعقوب، بوگون «سهشنبه» ایرتهلب ساعت 10 اطرافیده، یورهگی توختهگنی باعث، 54 یاشیده عالمدن اوتدی.
عاشقالله یعقوب، میلادی 2009- ییلدن باشلب ویراست، خبر اوقیش و مترجملیک بولیملریده سلاموطندارگه همکارلیک قیلردی.
سلاموطندار میدیا ترماغیده تحریرلاوچیلرنی باشلیغی شاهحسین رسولی نینگ ایتیشیچه، عاشقالله یعقوب نینگ عالمدن اوتیشی سلاموطندار میدیا ترماغی و خبرچیلیک جماعهسیده کته ضایعه دیر؛ جناب رسولی، رحمتلی یعقوب نی دوداغیده کولگو و صبرلی بیر کیشی صفتیده اِیسلهیدی.
جناب رسولی گه کوره، عاشقالله یعقوب سلاموطندار میدیا ترماغی اوچون یخشی بیر مصلحتچی بولیب و همکارلرینی خرسند سقلش خصوصیده هردایم سعی و حرکت قیلگن.
رحمتلی عاشقالله یعقوب بیلن بیش ییل بیر ییرده وظیفه قیلیب کیلگن سلاموطندار میدیا ترماغینی خبرچیسی حسین بویوک نینگ ایتیشیچه، جناب یعقوب سوادلی و صبرلی بیر کیشی ایدی و بیش ییلده او بیلن بیرگه وظیفه قیلیش جریانیده هیچقچان یعقوب جنابلری بیلن باشقه همکسبلری آرهسیده تارتیشووگه گواه بولمهگن.
شونینگدیک، افغانستان ایرکین میدیالریدن حمایت ایتووچی اداره «نی» بیر اعلامیه ترقهتیب، جناب یعقوب نینگ عالمدن اوتیشی نی افغانستان میدیالری نینگ عایلهسی اوچون کته ضایعه دیگن.
