هرات ولایتینینگ محلی بلند مرتبهلی رسمیلری، ولایتی کینگشده تولنمهچیلک و پاره آلیش بیر رسمگه ایلنگن دیگنلر. بو کینگش نیچه ییللردن بیری هرات شهریده عملگه آشیریلگن هر بیر لایحهدن کته مقدارده مبلغ پاره آلگن.
هرات شهرداری فرهاد نیایش بوگون (یکشنبه) خبری بیر ییغینده ایتیشیچه، یقینده ولایت کینگشی شهردارلیک همده هرات مرکزی شهرینی اسفالت ایتهدیگن لایحه مسووللریدن 50مینگ دالر پاره سورهگنلر.
هرات شهرداری، مذکور خیاباننی اسفالت قیلیش پروژهسی سینما چوکیدن سابق فرقگه ده قدر 10 کیلومتر اوزونلیکده عملگه آشیریلهدی دیدی. 3 کیلو متردن عبارت لایحهنینگ 3 کیلو متری بوندن نیچه وقت آلدین 270 مینگ دالر صرفلهنیشی بیلن قوریلگن و 7 کیلو متردن عبارت ایکینچی بولیمی کیلگوسی نیچه هفتهده ایشی باشلنهدی. بیراق، جناب نیایشنینگ سوزلریگه کوره، ولایت کینگشی 50مینگ دالر بو ادارهگه تولهنیلمهگن حالده، چوک سیمنا تورت یولیدن مستوفیتگه قدر قوریله دیگن یولنی صفتسیز دییه اخبارات واسطهلریده بیلدیریش لری بارهسیده آگاهلنتیرگنلر.
هرات شهرداریگه نینگ معلوم قیلیشیچه، هرات شهری مزکزی خیابانی تعین ایتیلگن معیارلرده صفتلی قوریلگن. شهردارلیک ادارهسینینگ مهندسلری لایحهنینگ دایم نظارت قیلگن2لر دیدی نیایش.
هرات شهرداری، ییللر آقیمیده شهردارلیک لایحهلری عملی بولیش اوچون بو اداره همده قوریلیش شرکتلر کته مبلغنی ولایت مقامی و ولایتی کینگشیگه پاره بیرگنلر دیدی. او، لایحهنی تطبیق ایتیشگه موفق بولگن قوریلیش شرکتلرهم پاره تولهگن لیگی سبب هر بیر کیلو متر یولنی 350 مینگ دالرگه قرارداد قیلگنلر؛ هرات شهردارلیگی بو ییل مذکور ادارهلرگه پاره تولش آلدینی آلیب 3 کیلو متر یولنی توپلم 270 مینگ دالرگه بیتیم امضالهگن.
شهردارلیک ادارهسینینگ بو قبیل ادعالرینی رد قیلگن ولایتی کینگش باشلیغی کامران علیزی، جناب نیایش بو ادعالرنی اثباتلش اوچون حجتی بولگن حالده، ولایت کینگشی اهالیگه بو توغریده جواب بیریش اوچون حاضر دیگن. علیزی، نیایش بو ادعانی ثابت قیله آلمهگن حالده، محکمه بولسین دیدی.
هرات ولایت کینگشینینگ ایتیشیچه، بو کینگش هیچ بیر زمان ولایتده عملگه آشیریلهدیگن قیته قوریش لایحهلر اوچون توسیق بولمهگن.
