بامیان ولایتیده انسان حقلری ایرکین کمیسیونینینگ ولایتی دفتری مسؤوللرینینگ ایتیشیچه، مذکور ولایتنینگ ورس تومنیده مخدره ماده گه چالینگن آته و آنه، 50 مینگ افغانی نقد پول و بیر سیگیرگه 12 یاشیده بولگن قیزلرینی ساتگنلر.
اولرگه کوره، اوشبو قیز سموچک قیشلاقینینگ یشاوچیسی بولیب و مخدره مادهنینگ بیر قاچاقچیسیگه ساتیلگن.
بامیان ولایتی رسمیلرینینگ ایتیشیچه، ورس تومنینینگ پژندور، لیگان و زیر کوه لیگان منطقهسیدهگی عایلهلردن قطاری مخدره ماده گه چالینگن.
بامیانده بالهلرنی سقلش ترماغی قوریلمهسی مسئولرینینگ ایتیشیچه، بالهلر مخدره ماده گه چالینگن کوپینچه عایلهلرده آته و آنهلرینینگ اوشبو عمللرینی قربانیسی بولهدی.
بامیانده بالهلر حقوقیدن حمایت قیلهدیگن قوریلمهلر و فعاللر حکومت و عدلی و قضایی بولیملردن آته و آنهلری مخدره ماده چالینگن بالهلرنینگ ساتیلیشی و نکاح قیلینیشی نی آلدی آلینیشی نی سورهگنلر.
ورس تومنینینگ محلی مسئولرینینگ ایتیشیچه، مذکور 12 یاشر بالهنینگ ساتیلگنی توغریسیده غیر رسمی گزارشلر قولگه کیلتیرگنلر و شونینگدیک خوفسیزلیک و قضایی بولیملردن بو توغریده تیرگاو باشلهنیشی نی سورهگن.
شونینگدیک بوندن آلدین اوشبو تومنده مخدره مادهنینگ پولی نی تاپیش اوچون قطار عایلهلر بالهلرینینگ ساتگنی توغریسیده گزارشلر چیققن ایدی؛ بیراق بو گزارشلر رسمی شکلده تصدیقلنمهگن ایدی.
گرچند بامیانده مخدره ماده چالینگن عایلهلر خصوصیده بیللی رقم موجود بولمهگن؛ بیراق رسمیلرنینگ ایتیشیچه، بامیان ولایتی ورس تومنینینگ تورلی منطقهلریده قطار آته و آنهلر مخدره ماده گه چالینگنلر.
