ساغلیک وزیرلیگی اوتگن 24 ساعت ده 6 ولایتده کرونا ویروسی نینگ 27 ایجابی واقعهسی قید ایتیلگنیدن خبر بیرگن.
بوگون (شنبه 30- حمل) مذکور وزیرلیک سوزلاوچیسی وحیدالله مایار نینگ ایتیشیچه، اوتگن 24 ساعتده 308 واقعه مملکت لابراتوارلری گه تیکشیریلگن کیم بولردن 12 کیشی کابل، 7 کیشی پکتیا، 4 کیشی لوگر، 2 کیشی هرات و باشقه بیر بیر کیشی دایکندی و بامیان ولایتلریده کرونا ویروسی گه چلینگن.
جناب مایار نینگ ایتیشیچه، اوتگن 24 ساعت ده کرونا ویروسی گه چلینگن 13 کیشی دارولنگن. اونگه کوره، 7 کیشی کابل و باشقه ایکی ایکی کیشی هرات، بامیان و سمنگان ولایتلریده دارولنگن.
مملکتده کرونا ویروسی گه چلینگنلر رقمی 933 کیشی گه ییتیشگن. حاضرگچه 112 کیشی دارولنگن و باشقه 30 کیشی جان بیرگن. ساغلیک وزیرلیگی دارولنگنلرنینگ 12 فایز و هلاک بولگنلرنینگ 3.2 فایز دیدی.
