انساننینگ زمانهوی حیاتینی ثمرهسی سیس کوپلیگی دیر. ماشینه و موتر سایکل هارنی، جنراتور، ایشخانهلرنینگ کته ماشینلرینی سیسلری و شونینگدیک، کوچهلرده اهالی گاوجوملیگی و جمعیت کوپلیگی شهر سیسلی بولیشی گه سبب بولهدی.
کابل شهریده هیچ نرسه اوز جاییده ایمس دیر، سیس کوپلیگی ایریم پیتلر هوا دغللیگیدن کوره کوپراق یشاوچیلرنی قینهیدی. ماشینه، دکان و رستورانت ایچیده موسیقه سیسی بلندلیگی، ماشینهلرنینگ کیین مه کیین هارن قیلیشلری، قول ساتووچیلرنینگ شاوقومی، باشکینت یشاوچیلرینی گیج و عصبی لشتیرگن.
کابل یشاوچیلری سونگی ییللرده سیس کوپلیگی خطرینی سیزگنلر. باشکینت یشاوچیلریدن کوپینچهسی سیس کوپلیگیدن قینهلگنلری باعث، حیات کیچیریش اولرگه قیین بولگن.
کابل یشاوچیلریدن بیری بشیر، هر کون شهرنینگ گاوجوم ییرلریدن اوتهدی. اونینگ ایشانچی گه کوره، شهردارلیک اینیقسه ترافیک سیس چیقارهدیگن واسطهلر و اسکونهلرنی مدیریت قیلگن صورتده، کوپینچه روحی کسللیکلرنی آلدی آلینهدی.
شونینگدیک، یشاوچیلردن باشقه بیری فاضل نینگ ایشانچی گه کوره، نقلیه واسطهلر و کسبهکارلر اوچون مشخص ییرلر و ایستگاهلر نظرگه آلینگن صورتده، شهرنینگ گاوجوم ییرلرینی سیسی کمهییش ممکن.
روانشناسلرنینگ ایشانچی گه کوره، سیس کوپلیگی اوزاق مدتده انساندن ایچکی تینچلیک و اویلهشینی سلب ایتهدی.
روانشناس شفیق بهروزیان نینگ ایتیشیچه، قطار کیشیلر زمان اوتیشی بیلن سیسلرگه عادت قیلیشی ممکن؛ بیراق سیس کوپلیگی کوتیلمهگن حالتده ایش صفتی و علاقهلر اوستیگه سلبی تأثیر قویهدی.
کابل شهردارلیگینینگ یشش محیط ساغلیگینی باشلیغی ادریس توخی نینگ ایتیشیچه، شهردارلیک شهر تیزیمینی برهم اورگن و سیس کوپلیگی گه سبب بولگن کیشیلر تیرگاوگه آلیب و اولرنی جریمه قیلهدی.
او، سیس کوپلیگی آلدی آلینیشی توغریسیده شهردارلیکنینگ برنامهسیگه اشاره قیلیب ایتیشیچه، بو برنامه شهرده بولگن نقلیه واسطهلر و کسبهکارلرنی اوستیگه تطبیق ایتیلهدی.
تدقیقات اساسیده، بیر کیشی کوپ زمان سیس گه دوچار بولگن صورتده، آز ایشیتیش یا-ده یورهک کسللیگی گه چالینهدی.
اوتکزیلگن سیناولرگه کوره، 150-160 میزانیده بولگن دسیبل سیسلر رنگ اوچیش، قان باسیمی یوقاری کیتیشی و بدن حرارتی کمهییشی گه سبب بولهدی.
