غور ولایتینینگ پوزلیچ برق توغانینی ایشی توختهتیلگنیدن سونگ، حاضر مذکور توغان قوروقچیلرینینگ ایتیشیچه، 4 آیدن بویان حقوقلرینی آلمهگنلر و کوپینچه قیینچیلیککه روپهره بولگنلر.
اولرنینگ ایتیشیچه، بو قیینچیلیکنی نیچه مرته مرکزی رسمیلر و محلی مسؤوللر بیلن شریک قیلگنلر؛ بیراق حاضرگهقدر نامعلوم دلیل باعث، حقوقلری توللنمهگن.
غور پوزلیچ برق توغانینینگ قوروقچیلرینی آگاهلنتیریشیچه، حقوقلری توللنمهگن صورتده، اختیارلریده بولگن برچه جهازلرنی ساتیشگه مجبور بولهدیلر.
شونینگدیک، غور مدنی فعاللری، مرکزی رسمیلر و محلی مسؤوللرنی ایشسیزلیک و دقتسیزلیککه عیبلب ایتیشیچه، پوزلیچ برق توغانینینگ قوریلیش ایشیده کمکارلیک بولیشی خصوصیده، نیچه مرته اعتراض بیلدیرگنلر؛ بیراق رسمیلر اولرنینگ اعتراضلرینی جدی آلمهگن.
غور ولایتیده مدنی فعال عبدالحی تابش، حکومتدن پوزلیچ برق توغانی قوروقچیلرینینگ حقوقینی توللش یانیده، مذکور توغان ایشی قیته باشلنیشینی سورهگن.
شو توغریده…
بدخشان ناگرانلری و شهیدلرنینگ عایلهلری حقوقلری توللنمهگنیدن شکایت قیلگنلر
غور ده ناگرانلر و شهیدلرنینگ عایلهلری حقوقلرینی قولگه کیلتیرمهگن
غور حاکمینی سوزلاوچیسی عبدالحی خطیبی، پوزلیچ برق توغانی قوروقچیلرینینگ حقوقی توللنمهگنینی تصدیقلب ایتیشیچه، مذکور توغان قوروقچیلرینینگ حقوقی افغان شاهین شرطنامهلی شرکت گه تیگیشلی بولهدی.
غور حاکمی سوزلاوچیسینینگ ایتیشیچه، بو موضوع مرکزی رسمیلر بیلن شریک قیلینگن.
غور محلی مسؤوللرینینگ ایتیشیچه، مذکور ولایتنینگ پوزلیچ برق توغانینی قوریلیش ایشی یالغیز 18% ایلگری کیتگن.
ولایت مسؤوللریگه کوره، مذکور برق توغانینینگ قوریلیش شرطنامهسی قولمه قول بولگنی باعث، قوریلیش ایشی ایکی ییلدن بویان توختهتیلگن.
