افغانستان نمایندهلر کینگشی اعضاسی و نمایندهلر کینگشی سیلاوینینگ نامزدی ملاترهخیل، طرفدارلریدن اونلرچهسینینگ حمایتی بیلن باشکینت جنوبیده بگرامی قتناو یولینی باغلهگن.
جناب ترهخیل، نمایندهلر کینگشی سیلاوینینگ نامزدلرینی رویخطیدن نامعلوم دلیللرگه چیقاریلگنیدن سونگ، ناراضیلیک نمایش یولگه قوییب و بگرامی قتناو یولینی باغلشگه قول اورگن.
اجتماعی ترماقلر گه ترقهتیلگن ویدیوگه کوره، ملاترهخیل مملکت ملی خوفسیزلیک باشلیغی معصوم استانکزی بیلن تلفون آرقهلی صحبت قیلهدی. مذکور ویدیوگه جناب ترهخیلنینگ ملی خوفسیزلیک باشلیغیگه ایتیشیچه، چیقاریلیش عاملی خصوصیده حجت ترقهتیلیشی کیرهک.
ترهخیل گه کوره، سیاسی توطیهلر باعث نماینده لر کینگشی سیلاوینینگ نامزدلرینی رویخطیدن چیقاریلگن. اونینگ ایتیشیچه، اهالی بو وضعیتنی قبول قیلمهیدی و اهالی بوندن سونگ سیلاولر ایرکین کمیسیونی ایشلاوچیلریگه اوشبو کمیسیون گه باریش اوچون اجازه بیرمیدی.
مذکور ویدیوگه معصوم استانکزینینگ سیسی هم یشیتیلهدی. اونینگ ایتیشیچه: «اوشبو موضوع سیلاولر ایرکین کمیسیونی گه تیگیشلی دیر و هرکیم کمیسیون فعالیت لریگه دخالت قیله آلمهیدی»
نمایندهلر کینگشی سیلاوینینگ نامزدلرینی رویخطیدن ملاترهخیلنینگ چیقاریلیش عاملی بیللی ایمس. بو توغریده سیلاولر ایرکین کمیسیونی فکری نی آلیش اوچون سعی و حرکت قیلدیک بیراق موفق بولمهدیگ.
قطار سوزلرگه کوره، امانالله گذر، عبداللطیف پدرام، اللهگل مجاهد، انورخان اوریاخیل، ظاهر قدیر، همایون همایون، حضرت علی و زلمی مجددی نمایندهلر کینگشی سیلاوینینگ نامزدلرینی رویخطیدن چیقاریلگن.
