افغانستان بوییچه مدنیت و معلومات، حج و اوقاف، قوم و قبایل وزیرلیکلری و کوچیلر ریاستی مسؤوللری، اوتگن ییلده قولگه کیریتگن یوتوقلری و جاری ییل برنامهلرینی اهالی بیلن شریک قیلگنلر.
حج و اوقاف وزیرلیگینی سرپرستی عبدالحکیم منیب نینگ ایتیشیچه، بیرینچی بار افغانستان مسجدلرینینگ اماملری اجیردن رسمی گه اوزگرگن.
جناب منیب گه کوره، 1500 دن آرتیق مسجد امامی ایرکین رقابت اساسیده، ایش گه آلینگن و شونینگدیک، کیلهجک ییلده باشقه 1000 دن آرتیق امام شو یولدن جذب قیلینیشی خصوصیده سعی و حرکت بولماقده.
باشقه تاماندن، اوشبو ییغینده قوم و قبایل وزیرلیگینی اورین باسری فریدون بارکزی نینگ ایتیشیچه، دیورند چیزیغینی ایکی تامانیده یشهیدیگنلر مذکور منطقه خوفسیزلیگی اوچون تأثیرچن رول اوینهیدیلر و دیورند چیزیغینی ایکی تامان خوفسیزلیک مسؤولیتی اولرگه بیریلسه یخشی بولهدی.
اونینگ ایتیشیچه، اوشبو موضوع توغریسیده جمهورلیک ریاستی گه هم بیر ریجه یوباریلگن.
شونینگدیک، مدنیت و معلومات وزیرلیگینی سرپرستی حسنیه صافی نینگ ایتیشیچه، تأریخی آبدهلرنی قیتهقوریش و سقلهش اوچو ایریم برنامهلرنی قولگه آلگنلر.
خانم صافی گه کوره، جاری قویاش ییلده مذکور وزیرلیک خصوصی میدیالرنی نظارت قیلیش توغریسیده هم ایریم برنامهلرنی نظرگه آلگن.
عین حالده، کوچیلر ریاستی باشلیغی حبیبالرحمان نینگ ایتیشیچه، جاری قویاش ییلده مملکت نینگ قطار ولایتلریده کوچیلر اوچون اوقیش، باشپناه و ساغلیک خذمتلری خصوصیده زمینه یرهتیلیشی اوچون سعی و حرکت قیلهدی.
