.jpg)
طبیعی حادثهلرگه قرشی کورهش اداره مسؤوللرینینگ ایتیشیچه، اوتگن 48 ساعت جریانیده قتیق قار یاغیشلر و هوا ساووقلیگی نتیجهسیده، چمهسی 73 کیشی هلاک بولگن و نیچه ولایتده اونلرچه اوی نورهب توشگن.
بو جملهدن 50 کیشی نورستانده قار کوچیمی نتیجهسیده هلاک بولگنلر. اوشبو خبرنی تصدیقلگن نورستان ولایتینینگ وقتینچهلیک حاکمی حافظ عبدالقیومنینگ ایتیشیچه، بو واقعه برگمتال و مندول تومنلریده یوز بیرگن.
طبیعی حادثهلرگه قرشی کورهش ادارهنی اورین باسری محمداسلم سیاسنینگ سلاموطندارگه ایتیشیچه، حاضر قار کوچیمیده قمهلیب قالگنلرنی قوتقریش و یوللرنی آچیش اوچون ایش باشلنگن.
قارده قمهلیب قالگن یولاوچیلردن بیرقطارینینگ سلاموطندارگه ایتیشیچه، غزنی ولایتیده ایکی کیچه آلدین یوز بیرگن بوران نتیجهسیده، 200 دن آرتیق یولاوچی تاشیووچی موتر قمهلیب قالگن، کیچهنی ساووقده اوتکزگنلر و یانغین مادهلری هم یکونلنگن.
کابل-قندهار قتناو یولیده قارده قمهلیب قالگن یولاوچیلردن فراه ولایتینینگ یشاوچیسی عبدالمتین و قندهار ولایتینینگ یشاوچیسی گلاحمدنینگ سلاموطندارگه ایتیشلریچه، 200 دن آرتیق موترنینگ یولاوچیسی یمان وضعیتده حیات کیچیرهدیلر. گلاحمدگه کوره، بیر موترنینگ 10 یولاوچیسی هوا ساووقلیگی نتیجهسیده جان بیرگنلر و یاردم ییتکزووچی ادارهلر، تیزلیکده چاره تدبیر کورمهگن تقدیرده، برچه یولاوچیلر هلاک بولهدیلر.
بیراق، غزنی ولایتینینگ خوفسیزلیک قومندانی جنرال امینالله امرخیلنینگ ایتیشیچه، کابل- قندهار قتناو یولیده قاره قمهلیب قالگن کمیده 4 مینگ یولاوچی خوفسیزلیک کوچلری تامانیدن قوتقریلگن.
.jpg)
خوست ولایتینینگ طبیعی حادثهلرگه قرشی کورهش ریاستی مسؤوللرینینگ ایتیشیچه، اوشبو ولایتنینگ کربز تومنیده بیر اوی نورهب توشگنی نتیجهسیده 3 کیشی هلاک بولگن.
شونینگدیک، هرات ولایتیده میدیالر دفتری، اوشبو ولایتنینگ ادرسکن تومنیده ایکی ایرکک، ایکی عیال و بیر باله هلاک بولگنیدن خبر بیرهدی.
پروان ولایتینینگ طبیعی واقعهلر و حادثهلرگه قرشی کورهش اداره باشلیغی میرمحمد امین حیدرینینگ ایتیشیچه، اوشبو ولایتنینگ پارسا و سیاهگرد تومنلریده قتیق قار یاغیشلر نتیجهسیده، عیاللر و بالهلر شامل 9 کیشی هلاک بولگن و باشقه 5 کیشی یرهلنگن. شونینگدیک، 30 اوی بوزیلگن.
عین حالده، لوگر ولایتینینگ محلی رسمیلری هم هوا ساووقلیگی نتیجهسیده 2 کیشی هلاک بولگنیدن خبر بیرهدی.
شونینگدیک، بامیان پولیس قومندانلیگی خوفسیزلیک آمری محمدعلی لکزینینگ ایتیشیچه، قارده قمهلیب قالگن نیچه یولاوچی پولیس تامانیدن قوتقریلگن، بیراق اوشبو ولایتنینگ برچه یوللری توسیق دیر.
سالنگ قتناو یوللری هم ایکی کوندن بویان یولاچیلرنینگ یوزیگه یاپیق قالگن و بدخشانده هم قار یاغیشلر و هوا ساووقلیگی نتیجهسیده، تومنلرنینگ مرکزگه بارهدیگن یوللری توسیلگن.
عین حالده، طبیعی حادثهلرگه قرشی کورهش اداره رسمیلرینینگ ایتیشیچه، ولایتی کمیتهلرگه قارده قمهلیب قالگن یولاوچیلرنی قوتقریش و یوللرنی آچیش اوچون برچه امکانیتلریدن فایدهلنیشگه بویروغ بیریلگن.
