مدنی جماعهچیلیک نمایندهلری و عیال حقوقی فعاللریدن بیرقطاری، حکومتدن رخشانهنینگ تاشباران قیلگنلرنی تیزلیکده توتقونگه آلیشینی سورهدی. شونینگدیک، اولر فرخنده دوسیهسی ایسدن چیقاریلگنیدن تنقید قیلگنلر.
عیاللر ترماغی باشلیغی حسینه صافینینگ، بوگون (سهشنبه) مدنی جماعهچیلیک نمایندهلری ییغینیده ایتیشیچه، فرخندهنینگ اولیمیدن 8 آی اوتیب بارماقده، بیراق حاضرگچه اونینگ دوسیهسی سونگی حکمی صادر ایتیلمهگن. خانم صافیگه کوره، باش محکمه سونگی حکم صادر ایتیلمهگن دلیلینی اوشبو ادارهده دوسیه میزانی یوقاریلیگی بیلیب ایتیشیچه، فرخندهنینگ دوسیهسی بوتونلهی تیکشیریلیشیگه زمان کیرهک. خانم صافی ایشانچیگه کوره، باش محکمه حکمی کیچیکیشی، عدلی و قضایی ادارهلر خصوصیده، خلق ایشانچسیزلیگیگه سبب بولهدی.
باشقه تاماندن، فعال عیاللردن بیری فروزان مشعلنینگ ایتیشیچه، فرخندهنینگ اوتکه یاندیریلیشی و اولیمیدن 8 آی اوتهدی و عیاللرگه قرشی زورهوانلیکلر کوپهیگن؛ غورده رخشانهنینگ تاشباران قیلینیشی اوشبو قضیهدن کوتریلگن. خانم فروزان، عدلی و قضایی ادارهلر و شونینگدیک ملی بیرلیک حکومت ایشینی فرخندهنینگ دوسیهسی تیکشیریلیشی خصوصیده، کوچسیز و ناکام دیب بیلهدی.
فرخندهنینگ دوسیهسیدن دفاعگر وکیللردن بیری نجلا راحیلنینگ ایتیشیچه، قانونگه اساس، باش محمکه تورت آی جریانیده سونگی حکمنی اعلام قیلیشی کیرهک. خانم راحیل ایشانچیگه کوره، سونگی حکم تعیینلنگن پیتیدن کمیده اوچ آی اوتهدی و بو خصوصده، قانون باش محکمه تامانیدن نقض بولگن. خانم راحیل، باش محکمه ریاستیدن فرخندهنینگ دوسیهسی خصوصیده بیرینچی و ایکینچی محکمه حکمینی رد قیلیشینی سورهدی؛ دیمک اونینگ ایشانچیگه کوره، اوشبو ایکی محکمه حکمیگه عدالت سیزلیک بولگن.
فرخندهنینگ دوسیهسیدن دفاعگر وکیل نینگ ایتیشیچه، فرخندهنینگ اولیمیگه عیبلنیب توتقونگه آلینگن 49 کیشیدن 12 تهسی حاضرگچه قماقخانهده قالگن.
شونینگدیک مزارشریفده عیاللر ترماغی مسؤولی عارفه صفار، مملکت قضایی قوریلمهسینی فرخندهنینگ دوسیهسی خصوصیده، ایش سیزلیک و دقت سیزلیککه عیبلیدی.
انه شوندهی حقوقی مسئلهلر ایش بیلرمانی طاهر هاشمی، سلاموطندار بیلن تلیفون علاقه قوریب ایتیشیچه، فرخندهنینگ دوسیهسی سیاسی بولگنی باعث، قضایی تیکشیرولریدن چیقاریلیب و کیچیکتیریلیب قویگن.
استیناف محکمهسی، فرخندهنینگ قتلیگه عیبلنگن 49 کیشیدن 4 کیشینی دارگه، 8 کیشینی 16 ییللیک حبسگه محکوم قیلگن و باشقه 18 تهسینی گناهسیز تانیگن. فرخنده جاری ییل بیرینچی کونلریده شاه دوشمشیره منطقهسیده قرآنکریمنی یاندیریشگه عیبلنیب، اچیق لنگن کیشیلر تامانیدن کلتکلنیب و اوندن کیین اوتکه یاندیریلدی.
