هلمند یشاوچیلری و مدنی فعاللریدن بیرقطاری، برق پولی کوپهیتیریلگنی گه قرشی ناراضیلیک بیلدیریب مذکور ولایت بوییچه برشنا ریاستی برابریده تحصن خیمه قوریب و بو ریاست نینگ ایشیگینی باغلهگن.
اولرنینگ ایتیشیچه، ایستکلریگه ایجابی جواب بیریلگونگهقدر، برشنا ریاستی نینگ ایشیگینی آچمهیدیلر.
اولرگه کوره، بو ولایت نینگ برقی کجکی توغانیدن تأمینلنهدی، بیراق هلمند یشاوچیلری نینگ برق پولی چیتایلدن کیلهدیگن برق نرخی گه حساب بولهدی.
اعتراضچیلرنینگ کوپهیتیریشیچه، اوشبو ولایتده بیر کیلوات برق بهاسی 25 افغانی گچه حساب بولهدی و بیر دوره نینگ قیمتی باشقه دوره نینگ قیمتی بیلن کوپ فرق قیلهدی.
اعتراضچیلرنینگ ایتیشیچه، نیچه آی آلدین هم برشنا ریاستینینگ ایشیگینی باغلهگنلر، بیراق برشنا شرکتی نینگ باشلیغی امانالله غالب، بیر آی جریانیده برق بهاسینی کمهیتیریش خصوصیده سوز بیرگن، لیکن بیریلگن سوز حاضرگهقدر عمل گه آشیریلمهگن.
بیراق، هلمند ولایتیده برشنا ریاستی باشلیغی انجنیر وحیدالله نینگ ایتیشیچه، برق پولینی کمهیتیریش بو ریاست نینگ صلاحیتیدن ایمس دیر و اولر یالغیز اهالی نینگ ایستکلرینی مرکزی مسؤوللرگه ییتکیزهدی.
هلمند یشاوچیلری برق بهاسی یوقاری بولگنی گه قرشی ناراضیلیک بیلدیریب مذکو ولایت ده برشنا ریاستی نینگ ایشیگینی باغلهگن بیرچاغده، نیچه وقت آلدین کابل یشاوچیلریدن بیرقطاری هم برق بهاسی یوقاری بولگنیدن شکایت قیلیشگن ایدی.
