.jpg)
مدافعه وکیللردن بیرقطارینینگ ادعا قیلیشیچه، مدافعه وکیللرنینگ ایرکین جمغرمه تشکیلاتینی سیلاویده ساختهکارلیک بولگن.
کابلده یولگه قوییلگن خبری ییغینده اولرنینگ ادعا قیلیشیچه، مدافعه وکیللرنینگ ایرکین جمغرمه ریاستینی نامزدی و باشلیغی روحالله قاریزاده، مذکور جمغرمهنی اساسنامهسیگه قرشی و ناقانونی شکلده، تشکیلاتنینگ ایچکی سیلاوینی 7 ییلدن سونگ یولگه قویگن.
شونینگدیک، مدافعه وکیللرنینگ ایتیشیچه، جناب قاریزاده، اوزی ریاست گه قالیشی اوچون سیلاونی ساختهکارلیک قیلگن و اولر تشکیلاتنینگ ایچکی سیلاوینی تحریم قیلیش اوچون قرار قیلگنلر.
افغانستان مدافعه وکیللرینینگ ایجابی اوزگریش سیلاو گروهی باشلیغی صفتیده اوزینینگ تانیشتیرگن تمیم زمری نی ایتیشیچه، جمغرمهده بولگن حاکم گروه مدافعه وکیللرنی تهدید قیلیب، قندهار زونینینگ سیلاویده جناب زمرینینگ طرفدارلرینی اشتراک قیلیشیگه توسیق بولیب، قندوز زونی ده ساختهکارلیک قیلیب و سیلاونی اساس نامه گه قرشی یولگه قوییب تشکیلاتنینگ ایچکی سیلاو نتیجهسینی اوز نفعی گه اوزگرتیرگن.
شونینگدیک، تمیم زمرینینگ ادعا قیلیشیچه، قاریزاده مدافعه وکیللردن کوپینچهسینی اهانت و قومگرالیککه عیبلگن.
.jpg)
مدافعه وکیللرنینگ ایرکین جمغرمه وبسایتیده ترقهتیلگن معلومات اساسیده، مذکور تشکیلاتنینگ سیلاوی آلتی زون، کابل، ننگرهار، هرات، قندهار، قندوز و بلخ ده نوبت شکلده یولگه قوییلگن و تشکیلاتنینگ سونگی ایچکی سیلاوی بولگن بلخ ولایتی ده یولگه قوییلگن و جناب زمری اونی تحریم قیلگن.
تشکیلاتنینگ ایچکی سیلاویده کوپینچه آواز قولگه کیریتگن روحالله قاریزاده، جناب زمرینینگ ادعالرینی رد قیلیب سوراقلهیدی، «سیلاو اساسنامه گه قرشی قولگه قوییلگن بولسه، جناب زمری نیمه اوچون نامزد صفتیده اونگه اشتراک قیلدی و شونینگدیک، کابل، ننگرهار، هرات و قندهار زونلریده تمیم زمری کوپ آواز قولگه کیریتگنی اوچون نتیجهنی قبول قیلگن ایدی و قندوز نتیجهسی اونینگ ایستهگی گه قرشی اوزگرگن پیتده، بو لایحه دن چیکیلگن.»
جناب قاریزاده گه کوره، شفافیت تأمین ایتیلیشی اوچون سیلاونی سیلاولر ایرکین کمیسیونی مدیریت قیلگن و شونینگدیک، ملی و خلق ارا نظارتچیلری بو لایحهنی نظارت گه آلگن.
جناب قاریزاده نینگ ادعا قیلیشیچه، سیلاو نتیجهسینی برچه مدافعه وکیللری قبول قیلگن و عین حالده، تمیم زمرینینگ ادعا قیلیشیچه، مدافعه وکیللردن یریمی سیلاو نتیجهسینی قبول قیلمهگن.
