ناگرانلر حقوقیدن حمایت ایتووچی شخصلر و کورلرمکتبی بیر قطار اوقوچیلرینینگ ایتیشیچه٬ غزنی خاص تعلیمات مکتبینینگ کور و کر اوقوچیلرینینگ معاش و ترانسپورت پوللری حیف میل بولیب کیلگن.
غزنی خاص تعلیمات مکتبنینگ اوقوچی و ناگرانلر حقیدن حمایت قیلووچیلریدن محمد رضا ذهیننینگ سلاموطندارگه ایتیشیچه٬ اداری فساد اوشبو مکتبنینگ فعالیتینی آلدینی آلماقده و اوشبو مکتب مسؤولری اوقوچیلرنینگ حق لرینی تالان قیلگن. ذهیننینگ ایتیشیچه٬ حال خاص تعلیمات مکتبی اوقوچیلری اوچون ۱ مینگ ۸۰۰ افغانی نظرده توتیلگن٬ بیراق مذکور مکتب مسؤولری کورلرگه ۱۲۰۰وکرلرگه ۵۰۰ افغانی بیریشهدی.
مذکور مکتبنینگ باشقه بیر اوقوچیلریدن حفیظ الله حسینینینگ ایتیشیچه٬ خاص تعلیمات مکتبینینگ هیاتی معاش و ترانسپورت حقیده بیرگن وعده سیگه هیچ قندی عمل قیلمهگن.
حسینی٬ اوشبو مکتب گه خیالی اوقوچیلر بارلیگینی تیلگه آلیب٬ بو اوقوچیلر مکتبگه کیلمسدن بیر ایسکی اوقوچی کبی امتیاز آلیشیدن خبر بیرهدی.
بیراق غزنی معارف تدریسی اورین باسری نثاراحمد آزادزوی بو اوقوچیلرنینگ سوزینی رد قیلیب٬ اولرنینگ پوللری آچیق فضاده ترقتیلهدی و اولر بیرار قیینچیلیگی بولگن زمان مذکور ریاست بیلن اورته گه قوییشلری ممکن دیدی.
عینی حالده نیچه کون آلدین غزنی ولایتی کینگش اعضالری بیلن معارف ریاستی مسؤولری سلام وطندارگه قیلگن صحبتیده اوشبو ریاستنینگ ایشلاوچیلری سیاسی حزبلر تامانیدن تعیین بولگنیدن شکایت قیلگنلر و اولرگه کوره بو وضعیت فساد گه قرشی کورهشیش آلدینی آلگن.
